Kjóstu flottasta garð ársins 2025!

Flottasti garður landsins 2025 17. júlí 2025 10:44

Undanfarna viku hafa hlustendur Bylgjunnar og lesendur Vísis sent inn tilnefningar um flottasta garð landsins 2025 en fresturinn rann út á miðnætti síðasta sunnudag. Dómnefnd Bylgjunnar, Vísis og Garðheima hefur staðið í ströngu undanfarna daga og skoðað fjölda fallegra mynda af litríkum og fallega skipulögðum görðum víða um land.

Neðar í greininni er hægt að skoða myndir af þeim fimm görðum sem dómnefnd valdi og kosningin er í lok greinarinnar.

Sigurvegarinn í leiknum hlýtur í verðlaun 100.000 kr. inneign hjá Garðheimum. „100.000 kr. inneign í Garðheimum býður upp á fjölmarga valmöguleika,“ segir Reynir Haraldsson, markaðsfulltrúi hjá Garðheimum. „Nú er t.d. frábær tími til að fríska upp á beðin, skipta gömlu blómunum út fyrir ný og mögulega ná sér í nýjan útipott fyrir restina af sumrinu. Tré, runnar og fjölæringar sem þú tímir vanalega ekki að fjárfesta í eru einnig frábær hugmynd til að nota inneignina í.“

Einnig bendir hann á haustlyng til þess að garðurinn fari sem fallegastur inn í veturinn. „Það er svo líka hægt að fara aðrar leiðir í þessu. Stihl búðin okkar er með hágæða sláttuvélar, orf, klippur, blásara og margt fleira sem nýtist vel í garðvinnu. Svo er einnig hugmynd að uppfæra grillið á pallinum eða hreinlega bæta við, en við erum með frábært úrval af hágæða kolagrillum frá Bastard og Grillguru og pizzaofna frá LeFeu sem hafa fengið frábærar viðtökur.”

Kosningu lýkur á miðnætti fimmtudaginn 24. júlí og verða úrslit tilkynnt degi síðar, föstudaginn 25. júlí.

Taktu þátt og kjóstu flottasta garðinn 2025!

** Kosningu er lokið. Takk fyrir að taka þátt! **

Dröfn Jónsdóttir og Stefán Pétursson búa í Dverghólum 17 á Selfossi. Hér eru myndir frá garðinum þeirra.