Bieber fékk sér smók í Skaga­firði

Myndbandið er við lagið First Place, sem kom út á nýjustu plötu hans SWAG.

Í myndbandinu, sem er birt í svarthvítu og einkennist af hröðum klippingum héðan og þaðan, sést Bieber njóta náttúrunnar, skemmta sér á hjóli, snjóbretti og við ýmislegt annað. Hann sést líka vinna, að því er virðist, að tónlist.

Þá er hann iðinn við reykingar í myndbandinu og sést meðal annars reykja stóra upprúllaða rettu.

Þetta er ekki fyrsta Íslandstenging nýrrar plötu Bieber. Hann birti mynd á Instagram þar sem plötuumslag SWAG sást í Fellsmúlanum.

Þetta er ekki í fyrsta skipti sem myndband popparans sem er tekið hér á landi. Fyrir níu árum kom myndband við lagið I'll Show You sem var tekið víða á Íslandi.