Fær 54 milljónir í viku­laun en æfir einn og yfir­gefinn

Ekki nóg með að Sterling muni líklega ekki spila aftur fyrir Chelsea heldur má hann heldur ekki einu sinni æfa með aðalliðinu.

Í gærkvöldu birti Sterling myndir af Cobham, æfingasvæði Chelsea, þar sem hann var einn á æfingu.

Þrátt fyrir að fá ekki að æfa eða spila með Chelsea þarf Sterling ekki að hafa áhyggjur af afkomunni því hann er með 325 þúsund pund í vikulaun, eða 54 milljónir króna.

Há laun Sterlings eru talin hafa fælt önnur félög frá honum. Fjársterk félög í Sádi-Arabíu gætu samið við hann en hann hefur hins vegar engan áhuga á að fara þangað.

Auk Sterlings má Axel Disasi ekki æfa með aðalliði Chelsea og á sér enga framtíð hjá félaginu.