Hákon reyndist hetja Brentford

Hákon hleypti marki Aston Villa auðveldlega inn, fékk skot beint á sig en missti boltann milli fóta. Harvey Elliott skoraði þar með sitt fyrsta mark fyrir Aston Villa og Brentford fór marki undir inn í hálfleikinn en jafnaði snemma í seinni hálfleik, þökk sé Aron Hickey.

Hvorugu liði tókst svo að setja sigurmarkið og draga þurfti til vítaspyrnukeppni, þar sem Hákon reyndist hetjan.

Hann varði fyrsta vítið frá John McGinn, sem skaut með vinstri fæti í vinstra hornið. Hákon varði svo einnig fjórða víti Villa, frá Matty Cash.

Brentford skoraði hins vegar úr öllum sínum vítaspyrnum og fór með 4-2 sigur úr vítaspyrnukeppninni, áfram í næstu umferð deildabikarsins.

Crystal Palace komst einnig áfram, eftir 1-1 jafntefli og 4-2 sigur í vítaspyrnukeppni gegn Millwall.

Grimsby er sömuleiðis á leið í næstu umferð, eftir 1-0 sigur á útivelli gegn Sheffield Wednesday. Jason Daði Svanþórsson er leikmaður Grimsby en kom ekki við sögu.

Þetta er annar leikurinn sem Hákon spilar fyrir Brentford á tímabilinu en hann stóð sig einnig vel í deildabikarleiknum gegn Bournemouth.