Segir að for­múlu 1 vanti nú ill­menni

Eftir ótal rifrildi, ásakanir um svindl og jafnvel hótanir um málsóknir mætti halda að Mercedes-stjórinn Toto Wolff myndi ekki sakna Christian Horner eftir að hann var rekinn sem liðsstjóri keppinautanna hjá Red Bull í júlí.

Svo er þó ekki ef marka má nýtt viðtal við hinn 53 ára gamla Toto Wolff.

Toto Wolff hefur síðustu fjögur ár þurft að horfa upp á Red Bull vinna heimsmeistaratitilinn með Hollendingnum Max Verstappen.

Þjóðverjinn hjá Mercedes-liðinu saknar samt ekki orðaskakanna sem liðsstjórarnir tveir slengdu stundum hvor í annan. Í viðtali Reuters kemur söknuðurinn vegna þess að að hans mati hafi íþróttina vantað illmenni allt frá því að Christian Horner yfirgaf Formúlu 1.

„Þekkið þið hina frægu vestrakvikmynd 'Sá góði, sá vondi og sá ljóti?“ sagði Toto Wolff.

„Það þarf mismunandi persónur og hann lék klárlega eina þeirra. Ég er augljóslega sá góði, Fred hjá Ferrari (Fred Vasseur) er sá ljóti, og svo framvegis,“ segir Wolff kíminn.

Þess vegna byrjaði Toto Wolff í raun að sakna Christian Horner aðeins nokkrum mánuðum eftir að hann yfirgaf Red Bull.

„Christian var sannkölluð aðalpersóna. Hann var opinskár, hann var umdeildur, hann var rasshaus og hann elskaði að leika það hlutverk. Maður þarf rasshaus sem fólk getur stundum hatað,“ sagði Wolff.

Samkeppnin mikla á milli Toto Wolff og Christian Horner heyrir þó, að minnsta kosti í bili, sögunni til og Þjóðverjinn verður því að einbeita sér að ökumönnum sínum, George Russell og Kimi Antonelli.

Þeir eru í fjórða og sjöunda sæti í stigakeppni Formúlu 1, á meðan ríkjandi heimsmeistari Red Bull, Max Verstappen, er í þriðja sæti.

McLaren-ökumennirnir tveir, Oscar Piastri og Lando Norris, eru í fyrsta og öðru sæti.

Fimm Formúlu 1-kappakstrar eru eftir á þessu tímabili.