„Við eigum meira blóð en blóð­bankinn!“

„Við byrjuðum að undirbúa hrekkjavökuna fyrir mörgum mánuðum síðan, enda er þetta annasamasti tími ársins hjá okkur,“ segir Halla Ýr Albertsdóttir, rekstrarstjóri Partýbúðarinnar. „Það er alveg mögnuð stemning í búðinni þessa dagana – bæði hjá viðskiptavinum og starfsfólki.“

Hrekkjavakan stækkar ár frá ári

Halla segir að hrekkjavakan hafi stækkað mjög mikið síðustu ár og að Íslendingar leggi sífellt meira upp úr skreytingum og stemningu. „Það er orðið mjög algengt að fólk skreyti heimili sín hátt og lágt, sérstaklega garðana og útirýmin,“ segir hún. „Við sjáum líka að fleiri fullorðnir halda hrekkjavökupartý, bæði vinahópar og fyrirtæki, þar sem allir mæta í búningum. Leikskólar, grunnskólar og félagsmiðstöðvar halda líka hrekkjavökuböll, þannig að hrekkjavakan er rækilega búin að stimpla sinn í partýdagskrá landsmanna.“

Einnig hefur aukist að afmælisbörn októbermánaðar haldi hrekkjavökuafmæli, þar sem búningar og skraut spila stórt hlutverk. „Það er ótrúlega skemmtilegt að sjá hvað fólk hefur gaman af þessu og má í raun segja að hrekkjavakan sé ekki lengur bara einn dagur heldur nær hún yfir mun lengra tímabil,“ segir Halla.

Dreki, draugar og djöflar

Það þarf ekki annað en að stíga út úr bílnum á bílastæðinu til að átta sig á því að hér er ekki um venjulega verslun að ræða. „Strax fyrir utan tekur risastór dreki á móti gestum,“ segir Halla. „Það setur strax tóninn fyrir upplifunina sem bíður innan dyra.“

Inni í búðinni taka svo á móti viðskiptavinum fjöldi fígúra, skrímsla og alls kyns hryllilegra hluta sem fylla rýmið. „Það er eiginlega ómögulegt að labba í gegnum búðina án þess að stoppa og skoða. Enda er þetta engin venjuleg verslun á þessum árstíma heldur upplifun af bestu gerð.“

Yfir 2000 búningar og blóð fyrir alla

Á neðri hæðinni er svo sannkallað búningaríki Íslands. „Þar má finna yfir tvö þúsund ólíka búninga, fyrir börn, fullorðna og jafnvel hunda,“ segir Halla og hlær. „Við leggjum metnað í að hafa eitthvað fyrir alla. Hvort sem fólk vill vera hrollvekjandi, fyndið eða bara glæsilegt á hrekkjavökuna, þá finnur það búninginn hjá okkur.“

Partýbúðin er einnig vel birg af alls kyns aukahlutum eins og hárkollum, skrauti, förðunarvörum og gerviblóði. „Við segjum stundum í gríni að við eigum meira blóð en blóðbankinn og það er eiginlega rétt!“ segir Halla kímin.

Þurrís æsir upp stemninguna

Þeir sem vilja taka stemninguna alla leið geta keypt þurrís í Partýbúðinni. „Þegar hann er settur í vatn myndast mikil gufa sem skapar ógnvekjandi og eftirminnilega stemningu í partýinu,“ útskýrir Halla.

Síðustu dagana fyrir hrekkjavöku klæðist allt starfsfólkið búningum og þjónustan er í toppstandi þrátt fyrir álagið. „Við afgreiðum pantanir samdægurs í netversluninni og það er alltaf nóg af bílastæðum hér í Skeifunni fyrir þá sem vilja koma og skoða úrvalið á staðnum,“ segir hún.

Gleymum ekki afmælisbörnunum

Þrátt fyrir að hrekkjavakan sé í brennidepli um þessar mundir gleymir Partýbúðin ekki hefðbundnum afmælisbörnum. „Við erum líka með mjög mikið úrval af afmælisskrauti, trúlega það mesta á landinu,“ segir Halla. „Og hjá okkur þarf aldrei að panta helíumblöðrur. Það er bara nóg að mæta til okkar og við afgreiðum þær á staðnum á meðan þú bíður.“

Partýbúðin hefur verið leiðandi í partývörum og búningum í áratugi og heldur áfram að auka úrvalið ár frá ári. „Við viljum að fólk hafi gaman og finni stemninguna, hvort sem það er að undirbúa hrekkjavöku, afmæli eða aðra hátíð,“ segir Halla að lokum.

Skoðaðu úrvalið á vef Partýbúðarinnar og á Instagram.