Þriðja tapið í röð hjá Jóni og fé­lögum

Burgos og Zaragoza unnu bæði í fyrstu umferð tímabilsins, en höfðu einnig bæði tapað næstu tveimur eftir það.

Jafnræði var með liðunum stærstan hluta leiksins í kvöld, en gestirnir í Zaragoza þó yfirleitt skrefinu framar.

Gestirnir leiddu með tveimur stigum að loknum fyrsta leikhluta og munurinn var sex stig þegar flautað var til hálfleiks, staðan 44-50.

Zaragoza bætti svo einu stigi ofan á forystuna í þriðja leikhluta, en seig endanlega fram úr í þeim fjórða og vann að lokum 13 stiga sigur, 89-102.

Jón Axel lék rétt tæpar tuttugu mínútur fyrir San Pablo Burgos og skoraði tvö stig fyrir liðið, ásamt því að taka tvö fráköst og gefa eina stoðsendingu.