Arteta fyrstur stjóranna á fætur

Í myndbandinu hér að neðan svara stjórar úr úrvalsdeildinni nokkrum spurningum um sitt daglega líf.

Miðað við svörin er Mikel Arteta, stjóri toppliðs Arsenal, fyrstur á fætur því hann vill vakna klukkan hálfsex á morgnana. Rúben Amorim, stjóri Manchester United, vaknar hálftíma síðar en enginn stjóranna virðist reyndar mikil svefnpurka.

Spurðir um það til hvers þeir hlakki á hverjum degi, fyrir utan vinnu sína við fótboltann, nefnir Pep Guardiola golf og segist hreinlega elska golf. Arne Slot kýs hins vegar frekar padel.

Þessi og fleiri svör má sjá í myndbandinu hér að neðan.

Tíunda umferð ensku úrvalsdeildarinnar er um helgina þar sem Arsenal getur styrkt stöðu sína á toppnum með sigri gegn Burnley á útivelli.