Amaroq stað­festir merki­legan fund sjald­gæfra jarð­málma

Í tilkynningunni segir að um sé að ræða fyrstu greiningu á sjaldgæfum jarðmálmum innan Nunarsuit-leyfis félagsins á Suður-Grænlandi. „Niðurstöðurnar, sem koma frá Ilua pegmatítsvæðinu, marka fyrsta staðfesta fund Amaroq á sjaldgæfum jarðmálmum í háum styrkleika og eru mikilvægt skref í stefnu félagsins um að víkka út starfsemi sína inn á svið mikilvægra og sjaldgæfra jarðefna,“ segir meðal annars í tilkynningunni.

Þá er haft eftir James Gilbertson, yfirmanni rannsókna hjá Amaroq, að um sé að ræða staðfestingu á sjaldgæfum hágæða jarðmálmum innan leyfissvæðis fyrirtækisins sem séu afar jákvæð tíðindi.

„Þær marka jafnframt fyrstu skref Amaroq inn á svið sjaldgæfra jarðmálma í Grænlandi. Sérstaklega er ánægjulegt að sjá að málmgrýtið virðist hýst í steind með lágu magni úraníum og ,,hefðbundinni’’ steindafræðilegri samsetningu. Við teljum að sjaldgæfu jarðmálmarnir séu að mestu bundin við mónasít, sem auðveldar vinnslu þeirra með hefðbundnum aðferðum miðað við flóknari steindafræði sem finnst annars staðar í Suður-Grænlandi,“ er haft eftir James Gilbertson í tilkynningunni.

„Við hlökkum til að halda áfram með frekari rannsóknir og könnnunarboranir á næsta ári og erum bjartsýn um að möguleikar Nunarsuit-svæðisins á sviði sjaldgæfra jarðefna geti skapað verulegt virði fyrir hluthafa, samhliða núverandi verkefnum okkar.“

Nánar er fjallað um fundinn í tilkynningunni til Kauphallar.