Þegar Ronaldo tætti West Ham í sig

Ronaldo drottnaði yfir ensku úrvalsdeildinni þetta tímabil og endaði sem markakóngur með 31 mark.

Hann sýndi meðal annars frábær tilþrif og skoraði tvö mörk þegar United vann West Ham 4-1, í næstsíðustu umferðinni, áður en liðið tryggði sér Englandsmeistaratitilinn með sigri gegn Wigan í lokaumferðinni.

Tilþrif Ronaldo gegn Hömrunum má sjá hér að neðan.

United er í allt annarri stöðu í dag en þegar Ronaldo var upp á sitt besta með liðinu. Liðið situr núna í 9. sæti með 21 stig en getur með sigri í kvöld komist upp í 5. sæti, og upp að hlið Chelsea sem er í 4. sæti með 24 stig en mun betri markatölu.

West Ham er hins vegar í fallsæti með 11 stig, þremur stigum á eftir næsta liði Leeds sem vann frábæran sigur á Chelsea í gærkvöld.