Sonur Ölmu Möller í­hugar fram­boð

Í samtali við fréttastofu segir Jónas Már að margir hafi komið að tali við hann og þá sérstaklega verið minnst á oddvitasætið. Hann hafi ekki tekið formlega ákvörðun en íhugi áskornunina.

Jónas Már bjó um tíma í Kaupmannahöfn og starfaði hjá lögmannsstofunni Plesner en er nú fluttur aftur til Íslands og tók til starfa hjá lögmannsstofunni Réttur sem sérhæfður ráðgjafi með áherslu á ráðgjöf á sviði banka-, fjármála- og fyrirtækjaréttar. 

Áður var Jónas Már framkvæmdastjóri Stúdentaráðs Háskóla Íslands og starfaði sem blaðamaður á Fréttablaðinu. Hann hefur setið í ýmsum stjórnum og nefndum og var nýlega skipaður formaður nefndar um endurgreiðslur vegna kvikmyndagerðar af Loga Einarssyni menningarráðherra. Þá er hann einnig varamaður í yfirkjörstjórn Reykjavíkurkjördæmis norður.

Samfylkingin í Kópavogi hefur efnt til flokksvals fyrir komandi sveitarstjórnarkosningar þar sem kosið verður um fjögur efstu sætin á framboðslistanum. Framboðsfresturinn er til 12. janúar en flokksvalið sjálft fer fram þann 7. febrúar.