Benti á hinn ís­lenska Dan Burn

Leikmaðurinn er hinn stóri og stæðilegi varnarmaður Dan Burn sem hefur blómstrað hjá Newcastle en glímir þó nú við meiðsli. Hann afrekaði fyrr á þessu ári að leika sína fyrstu landsleiki fyrir England, þá að verða 33 ára gamall.

Hákon benti á að Burn væri sláandi líkur Venna Páer, karakternum sem að Vernharð Þorleifsson gerði ódauðlegan. Vernharð, sem er fyrrverandi Ólympíufari í júdó, er ekki síður hraustur en Burn.

Brotið rifbein og gat á lunga

Burn verður ekki með Newcastle á næstunni því hann meiddist í nágrannaslagnum við Sunderland á sunnudaginn. Hann fékk hnéð á Nordi Mukiele í sig og við það brotnaði rifbein og gat kom á lunga. Miðvörðurinn reyndi samt að halda áfram leik en var að lokum skipt út af.