Tottenham fær brasilískan bakvörð

Þetta fullyrðir félagaskiptafréttamaðurinn Fabrizio Romano sem segir að þessi 19 ára leikmaður Santos í Brasilíu muni ferðast til Lundúna á sunnudaginn.

Souza er aðeins 19 ára gamall en hefur spilað 38 leiki fyrir aðallið Santos og á að baki 12 leiki fyrir U17-landslið Brasilíu.

Samkvæmt ESPN hafði Tottenham áður boðið 13 milljónir evra í leikmanninn en því tilboði var hafnað. Þar segir jafnframt að Santos hafi átt 75% fjárhagslegan rétt á leikmanninum sem hafi verið með samning fram til desember 2028.

Tottenham vill bæta við sig vinstri bakverði eftir að hægri bakvörðurinn Djed Spence hefur þurft að leysa stöðuna á meðan að Destiny Udogie hefur verið frá keppni vegna tognunar aftan í læri. Ben Davies sneri þó aftur til keppni í 1-1 jafnteflinu við Sunderland á sunnudaginn.