Leikið sjón­varps­efni aftur hluti af Eddunni

ÍKSA greinir frá þessu í tilkynningu til fjölmiðla þar sem opnað er fyrir innsendingar vegna Edduverðlaunanna 2026. Gjaldgeng eru verk sem frumsýnd voru opinberlega á tímabilinu 1. janúar til 31. desember 2025.

Innsendingarferlið er að fullu rafrænt á innsendingarvef Eddunnar en frestur til að senda inn verk rennur út á miðnætti þriðjudaginn 10. febrúar. Í kjölfarið hefja valnefndir Eddunnar störf.

ÍKSA ákvað að aðskilja afhendingu verðlauna fyrir sjónvarpsefni og kvikmyndir á Eddunni og árið 2024 voru  í fyrsta sinn eingöngu afhent verðlaun fyrir kvikmyndir. Af því tilefni stofnuðu ljósvakamiðlarnir Sýn, Rúv og Sjónvarp símans til Íslensku sjónvarpsverðlaunanna sem voru haldin í fyrsta sinn í október síðastliðnum. 

Nú virðist þó sem leikið sjónvarpsefni sé komið aftur til Eddunnar.

Verðlaunað verður í eftirtöldum flokkum:

• Barna- og unglingamynd ársins
• Erlend kvikmynd ársins
• Heimildarmynd ársins
• Heimildarstuttmynd ársins
• Kvikmynd ársins
• Stuttmynd ársins
• Leikið sjónvarpsefni ársins
• Brellur ársins
• Búningar ársins
• Gervi ársins
• Handrit ársins
• Hljóð ársins
• Klipping ársins
• Kvikmyndataka ársins
• Leikari ársins í aðalhlutverki – kvikmynd
• Leikari ársins í aukahlutverki – kvikmynd
• Leikkona ársins í aðalhlutverki – kvikmynd
• Leikkona ársins í aukahlutverki – kvikmynd
• Leikmynd ársins
• Leikstjóri ársins
• Tónlist ársins
• Leikari ársins í aðalhlutverki – sjónvarp
• Leikari ársins í aukahlutverki – sjónvarp
• Leikkona ársins í aðalhlutverki – sjónvarp
• Leikkona ársins í aukahlutverki – sjónvarp
• Heiðursverðlan
• Uppgötvun ársins