Kristján krækti í einn besta leik­mann Bestu deildarinnar

Katie er nefnilega gengin í raðir portúgalska félagsins Damaiense, þar sem Kristján Guðmundsson er þjálfari. 

Kristján þekkir vel til Katie eftir að hafa þjálfað mótherja hennar í Stjörnunni og svo í Val í fyrra, áður en hann hætti á Hlíðarenda og tók svo við Damaiense.

Katie hefur þegar spilað sinn fyrsta leik í portúgölsku úrvalsdeildinni, gegn Sporting Lissabon, þar sem hún kom inná sem varamaður í 3-0 tapi.

Damaiense er í erfiðri stöðu á botni deildarinnar, með sex stig eftir ellefu umferðir, þremur stigum á eftir næsta liði.

Katie er bandarísk en lék fyrst hér á landi sumarið 2021 þegar hún kom til Þróttar. Hún lék aftur með Þrótti sumarið 2023 en fór svo til Vals og varð bikarmeistari með liðinu, og hársbreidd frá Íslandsmeistaratitli. 

Í fyrra lék hún svo að nýju með Þrótti sem náði sínum besta árangri frá upphafi og endaði með 48 stig í 3. sæti, jafn FH að stigum.