Segir bless og sjáumst aldrei við Wasserman

Casey Wasserman forstjóri stofunnar átti í heldur erótískum eða í það minnsta vel óviðeigandi tölvupóstssamskiptum við illkvendið Ghislaine Maxwell sem er hvað frægust fyrir að vera hægri hönd Epstein í öllum hans ógeðfelldu málum. Wasserman var giftur á þeim tíma. 

Þá á hann sömuleiðis að hafa eitt sinn flogið um borð í einkaþotu á vegum Epstein í góðgerðaferð árið 2002. 

Skandalarnir eru fleiri og var Wasserman meðal annars ásakaður um að hafa átt í framhjáhald við yngri starfskonur sínar.

Chappell Roan vill ekki tengjast þessum manni á neinn hátt en ítrekar þó að margir góðir starfi hjá umboðsskrifstofunni. 

„Frá og með deginum í dag er ég ekki lengur hjá umboðsskrifstofu Wasserman,“ skrifar Roan á Instagram hringrás sína. 

„Ég hef mjög háa standarda fyrir mitt teymi og sömuleiðis er mér skylt að vernda mitt fólk. Enginn listamaður, umboðsmaður eða starfsmaður á að þurfa að verja eða líta fram hjá svona flækjum sem stinga algjörlega í stúf við gildi manns.“

Hún segist bera gríðarlega mikla virðingu fyrir umboðsmönnum og starfsfólki sem gerir allt fyrir listamenn og neitar að láta vaða yfir sig og fólkið í kringum sig. 

„Þessi ákvörðun endurspeglar trú mína á því að þýðingarmikil og mikilvæg breyting í okkar bransa þarfnast nauðsynlega þess að fólk geti axlað ábyrgð og sýnt leiðtogahæfni sem leiðir af sér traust.“