Tottenham í tómu tjóni: Að­eins þremur stigum frá fallsæti

Það hefur hvorki gengið né rekið hjá Tottenham undir stjórn Frank á yfirstandandi tímabili í ensku úrvalsdeildini og í kvöld lenti liðið undir í uppbótartíma venjulegs leiktíma í fyrri hálfleik þegar að Malick Thiaw kom boltanum í netið og Newcastle United yfir. 

Archie Gray tókst að jafna metin fyrir Tottenham á 64.mínútu en heimamenn gátu ekki fagnað lengi því aðeins fjórum mínútum eftir mark Gray var Jacob Ramsey búinn að koma Newcastle United aftur yfir í stöðuna 1-2. 

Reyndist mark Ramsey vera sigurmark leiksins. Úrslitin gera það að verkum að Tottenham vermir nú 16.sæti ensku úrvalsdeildarinnar og er þar með 29 stig, aðeins þremur stigum frá fallæsti og liðin fyrir neðan eiga eftir að spila sína leiki í umferðinni.

Sigurinn lyftir Newcastle hins vegar upp í 10.sæti, þar er liðið með 36 stig.