Átta ís­lensk mörk í fyrsta sigrinum

Blomberg-Lippe vann góðan 31-27 útisigur gegn Chambray í Frakklandi í kvöld, eftir að hafa verið fimm mörkum yfir í hálfleik, 17-12.

Alexia Hauf var markahæst hjá gestunum með sex mörk en þar á eftir komu nokkrir leikmennn, þar á meðal Elín Rósa Magnúsdóttir, með fjögur mörk.

Andrea Jacobsen skoraði svo þrjú mörk og Díana Dögg Magnúsdóttir eitt.

Blomberg-Lippe er þar með búið að safna þremur stigum í fimm leikjum og á aðeins eftir einn leik, við Esztergoi á heimavelli eftir rúma viku. Nyköbing og Esztergomi eru búin að tryggja sér efstu tvö sætin í riðlinum og þar með áframhald í keppninni. Blomberg-Lippe er nú fyrir ofan Chambray, á innbyrðis úrslitum, þegar bæði lið eiga einn leik eftir.