Hákon Rafn fær lang­þráð tæki­færi í dag

Hákon spilar þar með sinn fyrsta leik í deildinni í vetur en hann kemur inn í liðið fyrir írska landsliðsmarkvörðinn Caoimhin Kelleher sem er ekki í hóp í dag því hann var að verða pabbi.

Hákon spilaði síðast í bikarleik gegn Macclesfield þegar hann hélt hreinu í 1-0 sigri fyrir tveimur vikum.

Hann lék sína fyrstu tvo leiki í ensku úrvalsdeildinni á síðustu leiktíð, þar af annan sem varamaður, en hefur þurft að bíða á bekknum í deildarleikjunum í vetur.

Leikur Brentford og Burnley hefst klukkan 15 og er sýndur á Sýn Sport 4. Leikurinn er einnig á meðal þeirra sem fylgst er með í Doc Zone á Sýn Sport sem hefst klukkan 14:40.

Brentford er fyrir leik í 7. sæti með 40 stig, fimm stigum á eftir Liverpool og Chelsea.

Uppfært klukkan 14.05: Keith Andrews, stjóri Brentford, hefur nú staðfest að Kelleher sé ekki með í dag þar sem að hann hafi verið að verða pabbi.