Tryggvi fagnaði eftir trylli í Pýreneafjöllum

Andorra er með félagslið í spænsku deildinni sem mistókst í kvöld að koma sér úr fallsæti. Bilbao vann hins vegar sinn annan sigur í röð og er núna í 8. sæti, í hópi þeirra átta liða sem fara í úrslitakeppnina, en næstu lið fyrir neðan eiga þó leiki til góða.

Þetta var alls fjórði sigur Bilbao í röð því Tryggvi og félagar unnu báða sína leiki gegn tyrkneska liðinu Petkim Spor og komu sér í undanúrslit FIBA Europe-bikarsins í vikunni.

Tryggvi lagði sitt að mörkum í sigrinum í kvöld og skoraði 10 stig á þeim rúmu 27 mínútum sem hann spilaði, tók fjögur fráköst og gaf tvær stoðsendingar. Hann hitti úr öllum fjórum tveggja stiga skotum sínum en aðeins úr tveimur af sex vítum.

Bilbao komst tveimur stigum yfir þegar 22 sekúndur voru eftir af fjórða leikhluta en heimamenn náðu að jafna og tryggja sér framlengingu. Þar byrjuðu gestirnir á tveimur þristum og höfðu frumkvæðið allt til loka þó að sigurinn væri naumur í lokin.