Tiger rýfur þögnina og ætlar að leita sér hjálpar

Í yfirlýsingu sem kylfingurinn birti á samfélagsmiðlum í gærkvöldi segist Woods gera sér grein fyrir alvarleika stöðu sinnar og að ákvörðunin sé tekin með það að leiðarljósi að setja eigin velferð í forgang og ná varanlegum bata.

Tilkynningin Tigers kemur í kjölfar atviks þar sem hann velti bíl sínum eftir að hafa ekið á annan bíl.

Tiger var handtekinn og ákærður fyrir akstur undir áhrifum. Hann hefur hins vegar neitað sök í málinu.

Í yfirlýsingu sinni leggur Tiger áherslu á að hann vilji snúa aftur sterkari, bæði sem einstaklingur og íþróttamaður, en biður jafnframt um næði fyrir sig og fjölskyldu sína á meðan hann gengst undir meðferð.

Óljóst er á þessum tímapunkti hversu lengi Tiger verður fjarri sviðsljósinu en ljóst er að þessi ákvörðun hans hefur þau áhrif að hann verður ekki á meðal keppenda á Masters-mótinu í næstu viku.