Golf

Mickelson neyðist til að sleppa Masters

Sindri Sverrisson skrifar
Phil Mickelson þarf að taka sér hlé.
Phil Mickelson þarf að taka sér hlé. Getty/Johan Rynners

Phil Mickelson, sem unnið hefur Masters-mótið í golfi þrisvar sinnum, hefur gefið það út að hann muni ekki taka þátt á mótinu sem hefst næsta fimmtudag.

Mickelson sagði frá þessu á Instagram-síðu sinni og sagði ástæðuna vera heilsumál í fjölskyldunni.

Bandaríkjamaðurinn sagði ljóst að hann yrði frá keppni um einhvern tíma. Hann hefur aðeins þrisvar sinnum misst af Masters frá því að hann spilaði fyrst á Augusta National vellinum árið 1991.

„Ég ber rosalega virðingu fyrir Augusta National golfklúbbnum og þetta er án vafa alveg einstök vika á árinu. Ég óska öllum alls hins besta og mun fylgjast með,“ skrifaði Mickelson.

Mickelson, sem er 55 ára gamall, hafði áður misst af fyrstu fjórum mótum ársins á LIV-mótaröðinni og gaf þá einnig upp sömu ástæðu, um heilsumál í fjölskyldunni.

Áður var ljóst að Tiger Woods yrði ekki með á Masters, eftir að hann var handtekinn fyrir að aka undir áhrifum og valda með því bílslysi.

Þar með verður Masters-mótið í ár það fyrsta síðan árið 1994 þar sem hvorki Tiger né Mickelson, sem samtals hafa unnið mótið átta sinnum, verða með.

Golf Masters-mótið

Tengdar fréttir

Hafnar fyrirliðasæti í Ryder-bikarnum

PGA lýsti því yfir í gær að Tiger Woods hafi hafnað þátttöku og fyrirliðasæti Ryder-liðs Bandaríkjanna fyrir Ryder-bikarinn milli úrvalsliða Bandaríkjanna og Evrópu sem fram fer á Írlandi á næsta ári. Woods er á leið í meðferð eftir bílslys í síðustu viku.

Mest lesið


Fleiri fréttir

Sjá meira


×

Mest lesið