Pargo: Þurfum að vinna tvo leiki í við­bót

Pargo kom heimamönnum yfir þegar 27 sekúndur lifðu leiks og spilaði síðan fantagóða vörn á Keyshawn Woods til að koma í veg fyrir að hann kæmi gestunum aftur yfir. Andri Már Eggertsson fékk hann í spjall strax eftir leik og spurði hvernig Grindavík náði að snúa leiknum við.

„Við þurftum bara að standa saman og spila af skynsemi. Við fengum opin skot sem við nýttum í lok leiks og spiluðum góða vörn til að loka þessu.“

Andri fór yfir sigurkörfuna með Pargo og spurði hann út í hvort þetta hafi verið það sem teiknað var upp í leikhléinu.

„Við vissum að þeir myndu þétta teiginn en Guði sé lof þá opnaðist pláss fyrir mig sem ég nýtti.“

Var Pargo ánægður með vörnina sem spiluð var á Woods í lok leiks?

„Ég var ánægðari með vörnina í fyrri hálfleik en við gáfum honum ýmislegt í seinni sem við hefðum ekki átt að gera en við förum aftur að teikniborðinu fyrir næsta leik.“

Ólafur Ólafsson átti tvö víti undir lok leiksins en hann brenndi af fyrra vítinu og var það því ekki gott að hann brenndi af seinna vítinu vísvitandi?

„Það er fínt að klikka vísvitandi fyrst fyrra vítið fór ekki heim. Þá þurfa þeir að henda honum yfir völlinn og ef þeir hitta því þá er það bara vel gert hjá þeim.“

Hvernig er að vera kominn yfir í einvíginu?

„Það skiptir í raun og veru engu máli. Við þurfum að vinna tvo leiki í viðbót og við verðum að mæta í næsta leik. Aðdáendurnir okkar ferðast vonandi vel og hvetja okkur í næsta leik.“