Megan Thee Stallion sakar Klay Thompson um fram­hjá­hald

Page Six staðfesti fréttirnar eftir að hafa fengið yfirlýsingu frá Megan Thee Stallion. Það lá hins vegar nokkurn veginn fyrir að ekki væri allt með felldu þar á bæ en Megan birti í dag færslu á samfélagsmiðlum og hélt ekki aftur af sér.

„Stóð með þér í gegnum allar HRÆÐILEGU skapsveiflurnar þínar og framkomuna í minn garð á körfuboltatímabilinu. Núna veistu ekki hvort þú getir verið „einkvæntur“????“ skrifaði hún í hringrásarfærslu á miðlinum Instagram.

„Fokk, ég þarf ALVÖRU hlé eftir þetta,“ bætti hún svo við.

Greint var frá því að þau væru orðin par í júlí á síðasta ári þegar Klay Thompson birti myndir af þeim í fríi á Bahamaeyjum. Fáeinum dögum fyrr hafði Megan Thee Stallion birt sundfatamyndir af sér í sundlaug á Instagram til að auglýsa sundfatalínu sína, Hot Girl Swimwear. Færslan vakti þó sérstaklega athygli vegna þess að í bakgrunni aðalmyndarinnar var kunnuglegur maður sem reyndist vera Klay Thompson sem spilar með Dallas Mavericks í NBA-deildinni.