Íslendingavika í Björg­vin: „Ég vildi ekki að hann fengi allt sviðs­ljósið“

Kristall Máni Ingason skoraði líka þrennu fyrir Brann í 6-0 sigri síðasta miðvikudag og hann fylgdi því eftir með marki og stoðsendingu í 3-1 sigri gegn Fredrikstad í gær.

Diljá skoraði síðan þrennu í 6-0 sigri kvennaliðsins gegn Honefoss í dag og innsiglaði þar með frábæra viku hjá Íslendingunum í Björgvin.

Eftir leik grínaðist hún með það að hafa viljað stela sviðsljósinu af Kristali.

„Ég vildi ekki að hann fengi allt sviðsljósið, þannig að ég þurfti að skora þrennu líka“ sagði Diljá á léttum nótum.

„Nei ég er bara að grínast. Ég er bara ánægð með að við séum að leggja okkar af mörkum til félagsins. Ég held að þetta íslenska hugarfar sé akkúrat það sem Brann er að leita að,“ sagði Diljá einnig.

Eftir leik var þrennudrottningin Diljá hrókur alls fagnaðar. Hún smellti af sér myndum með æstum stuðningsmönnum og stýrði líka hópsöng þar sem hún hrópaði „Gefið mér B-R-A-N-N, hvað erum við með? BRANN!“