Ó­sáttur við gæðin: „UEFA þurfti að stíga inn í“

Bæði Arsenal og Atlético eru þekkt fyrir þéttan varnarleik og spiluðu heldur spennuþrungin en lokaðan leik á Emirates-vellinum í gær sem lauk með 1-0 sigri Arsenal, þökk sé sigurmarki Bukayo Saka.

Einvígið fór 2-1 fyrir Arsenal samanlagt og liðið á leið í úrslitaleik Meistaradeildar Evrópu í fyrsta sinn í 20 ár.

Þar mun bíða þeirra annað hvort Bayern Munchen er Paris Saint-Germain sem eigast við í síðari leik þeirra undanúrslitaeinvígis í Bæjararlandi í kvöld. Fyrri leikurinn er á meðal þeirra skemmtilegri í manna minnum og lauk með 5-4 sigri PSG í frönsku höfuðborginni.

Í samtali við hollenska miðilinn ZiggoSport sagði Sneijder um leik gærkvöldsins: „Ég sagði eftir 35 mínútur að UEFA þyrfti að stíga inn í,“

„Þeir þurfa að hringja til Lundúna: Taka bæði liðin af vellinum og að úrslitaleikurinn verði spilaður á morgun milli Bayern Munchen og Paris Saint-Germain,“ sagði Sneijder sem hreifst ekki af þeim fótbolta sem leikinn var í Norður-Lundúnum í gær.

Hann er þá að líkindum þeim mun spenntari fyrir leik kvöldsins, sem hefst klukkan 19:00.

Leikur Bayern Munchen og Paris Saint-Germain verður sýndur beint á Sýn Sport í kvöld. Bein útsending hefst klukkan 18:30.