Sport

Alcaraz fann til með Sinner

Andri Broddason skrifar
Þó þeir eru miklir keppnismenn virðast Alcaraz og Sinner vera miklir vinir.
Þó þeir eru miklir keppnismenn virðast Alcaraz og Sinner vera miklir vinir. Tim Clayton/Getty Images

Carlos Alcaraz fann til með Jannik Sinner þegar hann tapaði í annarri umferð Opna franska mótsins í tennis. Jannik Sinner fékk hitaslag og féll úr keppni en fyrir mótið var hann sigurstranglegastur. Alcaraz, sem er hans aðalkeppinautur, er meiddur og ekki með á mótinu.

Þrátt fyrir að Sinner og Alcaraz séu keppinautar og efstu tveir leikmennirnir á heimslistanum í tennis er ákveðið bræðralag milli þeirra. Það sést í færslu sem Alcaraz setti í hringrás hjá sér á Instagram í gær.

„Að sjá þig þjást í hitanum var virkilega sársaukafullt fyrir mig,“ sagði Alcaraz og viðurkennir að hann hafi vonað að Sinner myndi vinna mótið.

„Ég veit hversu mikið þú vilt vinna þetta mót.“

Hann hvetur Sinner til þess að gefast ekki upp og halda áfram. Sinner er sá sem hvetur Alcaraz áfram til að verða betri. Að lokum segist hann vera stoltur af honum og muni alltaf vera það.

Sinner og Alcaraz hafa mæst sautján sinnum og hefur Alcaraz haft betur í tíu af þeim leikjum. Þrátt fyrir það er Sinner efstur á heimslistanum.

Fyrir mótið var Sinner sigurstranglegastur þar sem Alcaraz gat ekki keppt vegna meiðsla. Nú er óvíst hver sigurvegari mótsins verður en mörg augu eru á Novak Djokovic en hann hefur unnið mótið þrisvar áður.

Tennis

Tengdar fréttir

Alcaraz ekki með á Wimbledon

Carlos Alcaraz verður ekki með á Wimbledon-mótinu í ár vegna meiðsla í úlnlið. Þetta er annað risamótið á árinu sem hann missir af vegna þessara meiðsla.

Mest lesið


Fleiri fréttir

Sjá meira


×

Mest lesið