Dabbi kóngur tekur við kvenna­liði Þórs

Félagið tilkynnti einnig að Jóhanna Ýr Ágústsdóttir hefði endursamið við félagið og myndi leika með liðinu á næsta tímabili. Þau Davíð og Jóhanna eru systkini.

„Ég er gríðarlega ánægður með að fá þetta tækifæri til þess að þróa og byggja upp öflugt lið í meistaraflokki kvenna hjá félaginu mínu. Þetta verður bæði skemmtilegt og krefjandi verkefni og ég hlakka mikið til að takast á við það með leikmönnum, stjórn og öllu stuðningsfólki félagsins,“ segir Davíð Arnar í tilkynningunni.

„Ég lagði mikla áherslu á að Jóhanna myndi spila fyrir Þór Þorlákshöfn. Hún er ein af efnilegustu leikmönnum landsins og hefur alla burði til að ná mjög langt. Það verður gaman að vinna með henni áfram og hjálpa henni að þróa leik sinn enn frekar á komandi árum,“ segir Davíð.