Sleit krossband í sigrinum gegn Bandaríkjunum

Ingvi Þór Sæmundsson skrifar 7. júlí 2026 16:02

Romelu Lukaku fagnaði fjórða marki Belga gegn Bandaríkjamönnum með því að halda treyju Amadous Onana á lofti. getty/David Ramos

Amadou Onana, leikmaður Aston Villa og belgíska fótboltalandsliðsins, verður frá næstu mánuðina eftir að hafa meiðst illa í leik Belgíu og Bandaríkjanna í sextán liða úrslitum á HM í gær.

Onana fór meiddur af velli eftir rúmlega tuttugu mínútur í leiknum í Seattle í gær og ljóst var að meiðslin væru alvarleg.

Nú er komið í ljós að Onana sleit krossband í hné og því bíður hans löng fjarvera frá vellinum.

Þetta er ekki bara áfall fyrir belgíska landsliðið, sem vann það bandaríska, 4-1, heldur einnig Villa. Þar hefur Onana verið í lykilhlutverki síðan hann kom frá Everton 2024.

Á síðasta tímabili varð Onana Evrópudeildarmeistari með Villa. Liðið endaði í 4. sæti ensku úrvalsdeildarinnar.

Belgía mætir Evrópumeisturum Spánar í átta liða úrslitum heimsmeistaramótsins á föstudaginn kemur.

Enski boltinn Aston Villa FC HM 2026 í fótbolta

Tengdar fréttir

Maður dagsins á HM: Feimni boltastrákurinn sem gerði gestgjöfunum grikk

Fyrir leik Bandaríkjanna og Belgíu í sextán liða úrslitum heimsmeistaramótsins í fótbolta var athyglin mikil á manninum sem Donald Trump og Gianni Infantino forðuðu frá leikbanni, Folarin Balogun. Eftir leikinn stal hins vegar Belginn Charles De Ketelaere fyrirsögnunum.

7. júlí 2026 10:04

Belgar stigu Trump-dans og skutu föstum skotum

Leikmenn Belgíu sögðust eftir sigurinn gegn Bandaríkjunum í nótt hafa viljað svara ranglæti FIFA úti á vellinum. Þeir dönsuðu líka að hætti Donalds Trump Bandaríkjaforseta, eftir pólitísk afskipti hans vegna leikbanns Folarin Balogun, framherja Bandaríkjanna.

7. júlí 2026 08:00

Balogun fékk að spila en Belgar áfram eftir stjörnuleik

Spánn og Belgía mætast í 8-liða úrslitum HM í fótbolta á föstudagskvöld, eftir að Belgar slógu heimamenn út með frábærum 4-1 sigri í Bandaríkjunum í nótt.

7. júlí 2026 07:07

Mest lesið

Fleiri fréttir