Bandero innan lög­sögunnar á ný

Þetta staðfestir Magnús Pálmar Jónsson, staðgengill upplýsingafulltrúa Landhelgisgæslunnar, í samtali við fréttastofu. 

Sjá nánar: Bandero stefnir í átt að Íslandi á ný

Landhelgisgæslan fylgist nú með ferðum skipsins líkt og öðrum skipum sem er siglt innan hafsvæðis Íslands. Bandero gefur upp staðsetningu sína.

Skipverjar eru um borð til að taka þátt í Aðgerð 86 sem hefur það að markmiði að stöðva alfarið hvalveiðar Hvals hf. Nafn aðgerðarinnar er vísun í árið 1986 þegar tveimur íslenskum hvalveiðiskipum var sökkt í Reykjavíkurhöfn.

Bandero var fyrst siglt inn í íslenska efnahagslögsögu í lok júní með það í huga að nálgast hvalveiðiskip Hvals. Landhelgisgæslan elti lengi vel skipið á Þór, varðskipi gæslunnar. Skipverjarnir sögðust stefna á að sökkva skipunum og væru tilbúnir að fórna handtöku til þess að stöðva hvalveiðar.

Þann 10. júlí var skipinu siglt til Írlands vegna veikinda um borð en hafa nú snúið aftur.