Liverpool sam­þykkir til­boð í Curtis Jones

Curtis Jones, sem er 25 ára gamall, er uppalinn hjá Liverpool og hefur allan sinn feril verið leikmaður liðsins. Nú virðist hann vera á förum til Ítalíu eftir að Liverpool samþykkti tilboð í hann frá Inter Milan.

Inter hefur áður reynt að ná í kappann en Liverpool hafnaði tilboði Inter í janúar. Þá vildi Inter fá hann að láni út tímabilið og kaupa hann svo.

Curtis Jones hefur spilað 228 leiki fyrir Liverpool en hann kom fyrst inn á fyrir félagið árið 2019. Á síðasta tímabili náði hann aðeins að vera í byrjunarliðinu í 18 leikjum og náði aldrei að verða fastamaður í byrjunarliðinu.

Jones mun því verða þriðji Englendingurinn til að ganga í raðir Inter í sumar en John Stones og Djed Spence hafa báðir farið til félagsins í sumar.

Nú þegar Jones er á leiðinni frá Liverpool verður enginn heimamaður eftir í aðalliði félagsins. Trent Alexander-Arnold var einnig uppalinn leikmaður en hann fór til Real Madrid fyrir ári síðan.