Heimir ræddi við hvern einasta leik­mann um leikina við Ísraela

Ísrael verður á heimavelli í Ungverjalandi 27. september en síðari leikurinn fer fram í Serbíu 4. október.

Heimaleikur Íra verður spilaður fyrir luktum dyrum og engir miðar verða seldir til írskra stuðningsmanna fyrir útileikinn.

„Ég ræddi við leikmennina hvern fyrir sig vegna þess að þetta er ekki eitthvað sem við eigum að ræða í hópi,“ sagði Heimir eftir að nýjasti landsliðshópur Íra var tilkynntur. BBC greinir frá.

„Við höfum mismunandi skoðanir og skoðanirnar eru missterkar. Ég held að það sé best að segja, án þess að fara út í einstaka leikmenn, að engum okkar líði vel með að spila þessa leiki. En þegar við höfum ákveðið að spila þá stöndum við saman og spilum sem ein heild.“

Heimir segir að innan hópsins séu ekki allir á sama máli.

„Við erum augljóslega ekki öll með sömu skoðun. Þannig er mannlegt eðli,“ sagði Heimir og heldur áfram.

„Við viljum samt standa fyrir hönd Írlands með bestu leikjum og frammistöðu sem við getum. Það er samkomulagið sem við höfum öll gert.“