Til­laga um að fækka vara­for­setum felld

Halla Gunnarsdóttir, formaður VR, studdi breytinguna og telur erfitt að sjá að þetta ferli hafi verið sameinandi fyrir hreyfinguna. Hún og Sólveig Anna Jónsdóttir, formaður VR, bjóða sig fram til varaforseta ASÍ á morgun. Sólveig hafði gefið út að félagið myndi endurskoða stöðu sína innan ASÍ ef breytingin yrði samþykkt.

Vilhjálmur Birgisson, formaður Starfsgreinasambandsins og Verkalýðsfélags Akraness, talaði um það áður en niðurstöðurnar voru kynntar að hann teldi mikilvægt að þingið kæmi út sem ein heild af þinginu og að ekki yrði ráðist í þessa breytingu að þessu sinni.

Finnst þér þessi tillaga um að fækka varaforsetum ekki til þess gerð að lægja öldurnar?

„Nei, alls ekki,“ segir Vilhjálmur. Þegar Efling, eitt stærsta verkalýðsfélag landsins með sína 56 fulltrúa á þingi ASÍ, sé ósátt þá sé eðlilegt að „hlusta og reyna frekar að leysa þetta innbyrðis og skoða hvort við getum fundið lausn á málunum.“

„Ef menn lesa sögu Alþýðusambandsins þessi 110 ár þá er hún blóði drifin ef þannig má að orði komast. Það eru átök í verkalýðshreyfingunni, ég ætla ekki að segja á hverju ári en oft á tíðum, og við þurfum að hafa þroska til þess að vinna okkur út úr þeim vandamálum því að hagsmunirnir eru miklu, miklu meiri og með samstöðunni náum við betri árangri.“

Fréttin er í vinnslu.