„Hans besti leikur“

76ers voru með undirtökin í jöfnum leik liðanna stærstan part og náðu ellefu stiga forystu í fjórða leikhluta. Knicks svöruðu og þriggja stiga skot Jalen Brunson jafnaði leikinn þegar stutt var eftir og fjölmenn sveit stuðningsmanna gestanna ærðist í stúkunni.

Skriðþunginn hafði því færst frá 76ers yfir til Knicks og skammt eftir. James tók þá til sinna ráða og skoraði með fallegu skoti í næstu sókn. Mínútu síðar réðist hann á körfuna og setti boltann niður með sniðskoti þegar 12 sekúndur voru eftir og munurinn fimm stig.

Það var það sem dugði fyrir 98-93 sigri 76ers og James hrósað fyrir framgöngu sína í leikslok.

„Hann hefur verið góður en þetta var hans besti leikur, alveg klárlega,“ sagði Nick Nurse, þjálfari 76ers.

Tyrese Maxey, bakvörður í liði 76ers, sagði James hafa haft „róandi áhrif“ á liðsfélaga sína á spennuþrungnum lokakafla.

„Þegar uppi er staðið er hann LeBron James. Þetta er það sem hann getur gert, að setja niður stórar körfur,“ bætti Maxey við.

Philadelphia hefur unnið fimm af sex leikjum hingað til á leiktíðinni og fer vel af stað með James innanborðs. Hann skoraði 20 stig, tók níu fráköst og gaf átta stoðsendingar í leik gærkvöldsins.

Hann jafnaði þá met Kareem Abdul-Jabbar er fimmti elsti leikmaður í sögu NBA til að skora tuttugu stig í leik (41 árs og 304 daga gamall).