Moreira stal senunni í slagnum um Mílanó og hélt Alberti á toppnum

Þessi 22 ára Belgi byrjaði á að leggja upp mörk fyrir Christian Pulisic og Adrien Rabiot á fyrstu tíu mínútum leiksins, áður en Alessandro Bastoni minnkaði muninn á 22. mínútu.

Moreira kom AC Milan svo í kjörstöðu með marki skömmu fyrir hálfleik og það reyndist lokamark leiksins.

AC Milan hefur þar með unnið grannaslaginn fjórum sinnum í röð og þetta var um leið fyrsta tap Inter í deildinni á þessari leiktíð.

Það þýðir að Lazio, lið Alberts Guðmundssonar, heldur toppsætinu á betri markatölu en Inter auk þess að eiga leik til góða við Cagliari á morgun.

Lazio og Inter eru með 25 stig, Roma 24 og AC Milan núna 21 stig í 4. sæti.