Þrýstingur að utan um aukið eigið fé ÍLS

Á stjórnarfundi Íbúðalánasjóðs (ÍLS) sem stóð fram á kvöld í gær lá fyrir að fjalla um skýrslu um stöðu sjóðsins sem skila á til Fjármálaeftirlitsins á mánudag. Jafnframt vinnur hópur undir forystu Bolla Bollasonar, ráðuneytisstjóra félagsmálaráðuneytisins, að gerð tillagna til félagsmálaráðherra um eiginfjárhlutfall sjóðsins.

Óttast opinberun hússtjórnargagna

Slitastjórn Glitnis rær nú að því öllum árum að fá aðgang að gögnum í vörslu hússtjórnar glæsihýsis á Manhattan-eyju þar sem Jón Ásgeir Jóhannesson og Ingibjörg Pálmadóttir eiga tvær lúxusíbúðir. Telur slitastjórnin að gögnin, auk gagna úr Royal Bank of Canada, séu nauðsynleg til að rekja slóð þess fjár sem hjónin eru sökuð um að hafa svikið út úr Glitni.

Vafi um heimildir HS orku

Vafi kann að leika á því hvort HS orku sé heimilt að eiga hluti í öðrum innlendum orkufyrirtækjum. Félagið á umtalsverðan hlut í fyrirtækinu Suðurorku sem hyggur á rannsóknir og ef til vill virkjanir í framtíðinni.

GAMMA: GBI lækkaði lítillega

Skuldabréfavísitalan GAMMA: GBI lækkaði lítillega í dag í 5,1 ma. viðskiptum. GAMMAi: Verðtryggt lækkaði lítillega í 2,6 ma. viðskiptum og GAMMAxi: Óverðtryggt lækkaði lítillega í 2,5 ma. viðskiptum.

Búast við lækkun matarverðs

Vörukarfa ASÍ hefur hækkað um 2-7% í helstu verslunarkeðjum frá því í maí í fyrra. Samkvæmt upplýsingum frá ASÍ hefur vverð körfunnar þó lækkað nokkuð í flestum verslunarkeðjum frá því hún var hæst í febrúar síðastliðnum eftir nær samfeldar verðhækkanir síðan um mitt ár 2008. ASÍ segir að

Skúffufyrirtæki má eiga HS Orku

Nefnd um erlenda fjárfestingu hefur úrskurðað að Magma Energy Sweden AB (MES), megi eiga 52,35% í HS Orku hf. Minnihluti nefndarinnar er andvíg áliti meirihlutans en hart var deilt um það hvort kanadíska fyrirtækið Magma Energy mætti eiga hlut í íslensku orkufyrirtæki í ljósi þess að það er ekki á evrópska efnahagssvæðinu.

Thor Data Center með 400 milljóna hlutafjáraukningu

Títan fjárfestingafélag ásamt núverandi hluthöfum og lykilstarfsmönnum hafa fjárfest í Thor Data Center fyrir um 400 milljónir kr.

Andvirði gullforðans komið yfir 10 milljarða

Andvirði gulforða þess sem geymdur er í Seðlabankanum er orðinn yfir 10 milljarða kr. virði í fyrsta sinn í sögunni.

Gengisdómur gæti þýtt 350 milljarða eignatilfærslu

Ef miðað verður við samningsvexti gengistryggðra lána mun um 350 milljarða króna eignartilfærsla eiga sér stað frá fjármálafyrirtækjum yfir til lántakenda. Að minnsta kosti 100 milljarðar króna munu lenda á ríkissjóði, og þar með skattgreiðendum, ef sú eignartilfærsla á sér stað. Þetta kemur fram í frétt í Viðskiptablaðinu í dag.

Rekstur Landsbanka og Arion óviðunandi

„Til lengri tíma litið er þetta ekki afkoma af kjarnastarfsemi sem menn væru sáttir við. En það verður að hafa hugfast að verið er að vinna úr erfiðum úrlausnarefnum. Mér finnst skýrslan ekki gefa tilefni til svartsýni,“ segir Steingrímur J. Sigfússon, fjármálaráðherra.

Kröfuhafar eignast Exista

Héraðsdómur Reykjavíkur hefur að beiðni stjórnar Exista veitt félaginu heimild til að leita nauðasamninga við kröfuhafa sína. Ákvörðun stjórnar byggir á ítarlegri greiningu á stöðu félagsins og hvernig hámarka megi endurheimtur kröfuhafa.

Tekjur ríkisins undir áætlun

Tekjur ríkissjóð fyrstu fimm mánuði ársins námu 175 milljörðum króna á fyrstu fimm mánuðum ársins.

Glittir í samning á milli Björgólfs Deutche Bank

Deutsche Bank er við það að ganga frá samkomulagi við Björgólf Thor Björgólfsson varðandi skuldir Actavis við bankann. Þetta hefur Reuters fréttastofan eftir ónafngreindum heimildarmönnum. Heimildirnar herma að skuldir Actavis verði felldar niður að hluta en að í stað þess fái Deutsche bank hluta af söluhagnaði verði Actavis selt.

Talsmaður neytenda fagnar viðbrögðum vegna gengislána

„Þeir fallast á þetta og ég fagna því,“ segir Gísli Tryggvason, talsmaður neytenda, um yfirlýsingar viðskiptabankanna þar sem þeir hafa ákveðið að taka fasta krónutölu af umdeildum gengislánum.

Bankarnir vilja fimm þúsund af milljón

Arion Banki, Landsbanki og Íslandsbanki hafa ákveðið að bjóða einstaklingum með erlend íbúðalán hjá bankanum, með veði í fasteign, að greiða mánaðarlega 5.000 kr. af hverri milljón upphaflegs höfuðstóls lánsins á verðlagi við lánveitingu. Þetta er í samræmi við tilmæli Samtaka fjármálafyrirtækja sem send voru fjölmiðlum í dag sem og tilmæli FME og SÍ.

Einhugur í peningastefnunefnd um vextina

Allir þeir sem sæti eiga í peningastefnunefnd Seðlabanka Íslands voru sammála um það að lækka skyldi vexti bankans um 9,5 prósentur við síðustu stýrivaxtaákvörðun.

Litlar breytingar á GAMMA

Skuldabréfavísitalan GAMMA: GBI lækkaði um 0,2% í dag í 11,4 ma. viðskiptum. GAMMAi: Verðtryggt lækkaði um 0,1% í 5 ma. viðskiptum og GAMMAxi: Óverðtryggt lækkaði um 0,3% í 6,5 ma. viðskiptum.

Spá yfir 100 milljarða vöruskiptaafgangi

Greining Íslandsbanka býst við að áfram verði myndarlegur afgangur af vöruskiptum við útlönd. Verð helstu útflutningsvara hafi hækkað verulega frá fyrri hluta síðasta árs og horfur séu á að innflutningur neyslu- og fjárfestingarvara verði enn um sinn með minna móti þar til hagkerfið nær sér á strik að nýju.

Nær þúsund beiðnir um nauðungarsölur á fasteignum

Skráðar nauðungarsölubeiðnir vegna fasteigna hjá sýslumanninum í Reykjavík í ár voru orðnar 968 í lok júní.

Bankasýslan gagnrýnir uppgjör bankanna

Í nýrri skýrslu Bankasýslu ríkisins um starfsemi ársins í ár kemur fram gagnrýni á uppgjör stóru bankanna þriggja. Þar segir að arðsemi eigin fjár þeirra lækki umtalsvert þegar gert hafi verið ráð fyrir óreglulegum liðum.

Gift slapp með skrekkinn - þarf ekki að greiða milljarð fyrir verðlaus bréf

Fjárfestingafélagið Gift slapp með skrekkinn í Héraðsdómi Reykjavíkur í lok júní en þá sýknaði dómari félagið af milljarðskröfu sem Landsbankinn gerði í félagið vegna framvirkra samninga um hlutabréf í Landsbankanum.

Kortavelta heimilanna jókst um tæp 10%

Kreditkortavelta heimila jókst um 9,8% í janúar-maí í ár miðað við janúar-maí í fyrra. Debetkortavelta jókst um 6,1% á sama tíma. Samtals jókst greiðslukortavelta heimila í janúar-maí 2010 um 8,0%.

Vöruskiptin hagstæð um 8,6 milljarða í júní

Samkvæmt bráðabirgðatölum fyrir júní 2010 var útflutningur tæpir 48,0 milljarðar króna og innflutningur 39,3 milljarðar króna.

Mikil lækkun á verðbólguálagi skuldabréfa

Þriggja ára verðbólguálag á skuldabréfum lækkað úr 4,7% í 1,25% á fyrstu 6 mánuðum ársins, en álagið hefur ekki mælst svo lágt frá árinu 2005.

Söluverðmæti íslenskra minkaskinna milljarður í ár

Söluverðmæti minkaskinna frá íslenskum loðdýraræktendum í ár mun að minnsta kosti nema einum milljarði króna. Fyrir tæpum áratug var talið að þessi búgrein ætti vart framtíð fyrir sér.

Dyrum nærri lokað á erlenda fjárfesta

Ísland er í öðru sæti á lista yfir þau aðildarríki Efnahags- og framfarastofnunar Evrópu (OECD) yfir þau lönd sem hafa miklar takmarkanir á beinni fjárfestingu erlendra aðila. Mestu hömlurnar eru í Kína. Næst á eftir Íslandi stendur Rússland og Sádi-Arabía kemur þar á eftir. Á hinum endanum eru Holland og Lúxemborg, sem hafa opnað dyrnar í fulla gátt fyrir beina fjárfestingu erlendra aðila.

Fyrirtæki geta hagrætt í rekstri með kaupum á aðgangi að hugbúnaði á netinu.

Lítil fyrirtæki þurfa ekki lengur að kaupa dýran hugbúnað og leggja fjármagn í tölvukerfi. Þau geta sparað sér háar fjárhæðir með því að kaupa aðgang að tölvuskýjum (e. cloud computing) á netinu til lengri eða skemmri tíma. Þegar netnotkun eykst með farsímum og spjaldtölvum verður þetta framtíðin í upplýsingatækni.

Hamfarir dreifa veirum

Hamförum á borð við eldgosið í Eyjafjallajökli er nú tekið fagnandi af tölvuþrjótum.

Búa þarf í haginnfyrir fyrirtækin

„Við verðum að búa í haginn fyrir fjárfesta og bjóða upp á góðar aðstæður, í það minnsta sambærilegar og í nágrannalöndum. Þanni glæðum við atvinnustarfsemi sem er undirstaða efnahagslífsins,“ segir Finnur Oddsson, framkvæmdastjóri Viðskiptaráðs Íslands.

Gjaldeyrishöftin verst: CCP óskar eftir stöðugleika

„Við höfum ekki velt því fyrir okkur að fara. En það er voðalega erfitt að taka ákvarðanir og gera áætlanir fram í tímann á þeim forsendum hvað eigi mögulega að gera hér í framtíðinni. Það virðist vera planið að sækja um aðild að Evrópusambandinu og taka upp evruna eftir einhver ár. Mér líst vel á það,“ segir Hilmar V. Pétursson, forstjóri tölvuleikjaframleiðandans CCP.

Íbúðalánasjóður þarf að fá tugmilljarða á næstu árum

Starfshópur á vegum félagsmálaráðuneytisins telur Íbúðalánasjóð þurfa allt að tuttugu milljarða króna frá ríkinu til ársins 2014 til að eiginfjárhlutfall sjóðsins verði eins og vera eigi.

Leita ráða hjá Sveini Haraldi

„Bæði íslensk fyrirtæki sem leita norrænna fjárfesta og norræn fyrirtæki sem hug hafa á að fjárfesta á Íslandi hafa leitað til mín. En þetta er ekki launað starf; ég hjálpa þeim í frítíma mínum utan vinnu. Þetta litla framlag mitt vona ég að sé hluti af því að rétta efnahagslífið við,“ segir Svein Harald Öygard, fyrrverandi seðlabankastjóri. Um tólf íslensk fyrirtæki hafa leitað til hans.

Lilja kveður Seðlabankann

Lilja Alfreðsdóttir, staðgengill framkvæmdastjóra á skrifstofu seðlabankastjóra, hefur verið ráðin ráðgjafi hjá Alþjóðagjaldeyrissjóðnum (AGS) í Washington í Bandaríkjunum.

Setur að manni óhug ef fyrirtæki flýja land

„Ég tel hættuna á fyrirtækjaflótta því miður raunverulega,“ segir Þórður Friðjónsson, forstjóri Kauphallarinnar og fyrrverandi forstjóri Þjóðhagsstofnunar. Hann bendir á að fyrir hrun hafi umhverfi fyrirtækja hér um margt verið hagfellt og fyrir vikið eftirsóknarvert að starfrækja fyrirtæki í alþjóðlegum rekstri.

Reikningum Akureyjar enn ekki skilað

Eignarhaldsfélagið Akurey, sem á 60 prósent í lyfjafyrirtækinu Icepharma í gegnum dótturfélag, hefur enn ekki skilað ársreikningum fyrir árin 2007, 2008 og 2009.

Atvinnuleysi á undanhaldi

Atvinnulausum fækkaði um 1100 manns í júní frá fyrri mánuði, samkvæmt tölum Vinnumálastofnunar. Gissur Pétursson, forstjóri Vinnumálastofnunar, segir að um árstíðarbundna fækkun sé að ræða en atvinnuleysi sé engu að síður á undanhaldi.

Erlendum ferðamönnum fækkar um 5%

Um 53.500 erlendir ferðamenn fóru frá landinu um Leifsstöð í síðasta mánuði og fækkar þeim um eitt þúsund manns frá sama mánuði í fyrra. Fækkunin nemur tveimur prósentum milli ára, samkvæmt tölum frá Ferðamálastofu. Frá áramótum hafa 170.400 erlendir gestir farið frá landinu. Þetta eru um 8.500 færri en árinu áður og nemur fækkunin tæpum fimm prósentum milli ára.

1700 milljónir greiddar í atvinnuleysisbætur

Vinnumálastofnun greiddi um síðustu mánaðamót rúmlega 1,7 milljarð króna í atvinnuleysistryggingar fyrir tímabilið 20. maí til 19. júní. Greitt var til túmlega 14.900 einstaklinga. Heildarupphæð atvinnuleysistrygginga fyrir maí síðastliðinn var hins vegar öllu hærri. Hún nam rúmum 2 milljörðum króna og var þá greitt til 16.005 einstaklinga.

Steingrímur þögull um möguleg skaðabótamál vegna gengisdóms

Steingrímur J. Sigfússon fjármálaráðherra vill ekki tjá sig um viðbrögð sín gagnvart mögulegum málaferlum kröfuhafa gömlu bankanna vegna hæstaréttardómsins frá 16. júní vegna gengistryggðu lánanna.

Gamma stóð i stað

Skuldabréfavísitalan GAMMA: GBI hækkaði um 0,1% í dag í 2,7 ma. viðskiptum. GAMMAi: Verðtryggt hækkaði um 0,1% í 0,7 ma. viðskiptum og GAMMAxi: Óverðtryggt hækkaði um 0,1% í 2 ma. viðskiptum.

Gengi krónunnar mun haldast lágt

Gengi íslensku krónunnar mun líklegast haldast lágt enn um sinn þó að það hafi hækkað um átta prósent frá áramótum, að mati Greiningar Íslandsbanka.

Meira gist á hótelum á gossvæðinu

Gistinætur á hótelum fækkaði um 10% í maí síðastliðnum miðað við sama mánuði í fyrra. Þær voru um 105 þúsund í maí síðastliðnum en 117 í maí í fyrra. Athygli vekur að gistinóttum fækkar á öllum landssvæðum nema Austurlandi og Suðurlandi en þar fjölgaði gistinóttum milli ára.

Um 1,3 milljarða viðskipti með skuldabréf

Skuldabréfavísitalan GAMMA: GBI lækkaði lítillega í dag í 1,3 ma. viðskiptum. GAMMAi: Verðtryggt hækkaði lítillega í 0,8 ma. viðskiptum og GAMMAxi: Óverðtryggt lækkaði um 0,1% í 0,4 ma. viðskiptum.

Um 21 þúsund umsóknir bárust um sumarstörf

Um 2200 námsmenn sóttu um störf í tengslum við átaksverkefni í sumar á vegum ríkisins og sveitarfélaga. Ákveðið var að verja 250 milljónum úr atvinnuleysistryggingasjóði í samvinnu við ríki og sveitarfélög til að skapa sumarstörf fyrir námsmenn.

Stjórnarformaður Strætó bs fundinn

Guðrún Ágústa Guðmundsdóttir, bæjarfulltrúi í Hafnarfirði, verður formaður nýrrar stjórnar Strætó bs. Stjórnin kom saman í dag og skipti með sér verkum. Aðrir í stjórn eru Kjartan Örn Sigurðsson frá Álftanesi, Stefán Snær Konráðsson frá Garðabæ, Hjálmar Hjálmarsson frá Kópavogi, Hafsteinn Pálsson frá Mosfellsbæ, Einar Örn Benediktsson frá Reykjavík og Sigrún Edda Jónsdóttir frá Seltjarnarnesbæ.