Erlent

Fréttamynd

340 manns látist vegna flóða í Suður-Asíu

Hundruð hafa látið lífið í flóðum sem gengið hafa yfir Suður-Asíu undanfarna daga. Fleiri en 200 hafa látið lífið í stærstu borg Pakistan, Karachi, en hún er rafmagns- og vatnslaus vegna flóðanna. Þá hafa rúmlega 140 látið lífið vegna flóðanna í Indlandi.

Erlent
Fréttamynd

Suður-Kórea hefur matvælaaðstoð

Stjórnvöld í Suður-Kóreu hófu í gær matvælaaðstoð við Norður-Kóreu, aðeins einum degi eftir að staðfest var að afvopnunarferlið sé hafið. Suður-Kórea hefur veitt grönnum sínum aðstoð í formi hrísgrjónasendinga en þeir hafa þurft að glíma við langvarandi matarskort.

Erlent
Fréttamynd

Greiða ekki bónus

Japanski bílaframleiðandinn Nissan ætlar ekki að greiða framkvæmdastjórum fyrirtækisins bónus fyrir síðasta ár og undanfarin ár. Ástæðan er dræm sala á nýjum bílum undir merkjum Nissan og samdráttur hjá fyrirtækinu í fyrra, sem er sá fyrsti á sjö árum.

Viðskipti erlent
Fréttamynd

Skógareldar í Kaliforníu

Miklir skógareldar í Kaliforníu hafa eyðilagt meira en 200 heimili og neytt um þúsund manns til að yfirgefa heimili sín. 460 slökkviliðsmenn eru að berjast við eldinn og búist er við sú tala muni tvöfaldast fyrir kvöldið.

Erlent
Fréttamynd

Tekinn af lífi á morgun þrátt fyrir banvænan sjúkdóm

Jimmy Dale Bland, 49 ára karlmaður, verður líflátinn í Oklahoma á morgun með banvænni sprautu. Bland var dæmdur til dauða árið 1996 fyrir að skjóta Doyle Windle Rains í hnakkann. Lögfræðingur Bland hefur reynt að fá aftökunni aflýst vegna þess að Bland þjáist af krabbameini sem mun draga hann til dauða innan nokkurra mánuða.

Erlent
Fréttamynd

Vesturlandabúar lögleg skotmörk

„Málaliðar munu halda áfram að ráðast á vesturlandabúa á götum Indónesíu til að verja íslamska trú,“ sagði hryðjuverkamaðurinn Abu Dujana við CNN. Hann segir að vesturlandabúar séu lögleg skotmörk.

Erlent
Fréttamynd

Ákærður fyrir morð á barnshafandi kærustu sinni

Bandarískur lögreglumaður, Bobby Cutts, verður færður fyrir rétt í dag og formlega ákærður um að hafa myrt barnshafandi kærustu sína. Málið hefur vakið mikla athygli í Bandaríkjunum. Kærastan, Jesse Davis, fannst látin á laugardag en ýmislegt þykir benda til að hún hafi verið myrt á heimili sínu, þar sem tveggja ára sonur hennar og Cutts fannst yfirgefinn 15. júní.

Erlent
Fréttamynd

Dauða seli rekur á land í Danmörku

Fjöldi selkópa hefur rekið á land við Anholt eyju í Danmörku. 41 kópur hefur fundist á svæðinu. Ekki er vitað með vissu hvaða veira það er sem er að drepa selina. Skógar- og náttúrustofnun í Danmörku er að rannsaka málið.

Erlent
Fréttamynd

Vilja að Bandaríkin framselji 13 leyniþjónustumenn

Saksóknarar í Þýskalandi hafa óskað eftir því við Bandaríkin að 13 leyniþjónustumenn C.I.A verði framseldir til Þýskalands. Saksóknarnir halda því fram að leyniþjónustumennirnir hafi átt þát í að ræna þýskum ríkisborgara árið 2003.

Erlent
Fréttamynd

Al-Zawhari lýsir stuðningi við Hamas

Ayman al-Zawhari, einn leiðtoga Al Qaeda og hægri hönd Osama Bin-Laden, ávarpaði múslima um allan heim á upptöku sem gengur um á netinu. Al-Zawhari lýsti yfir stuðningi við Hamas og óskaði eftir því að múslimar um allan heim myndu styðja Hamas með vopnum, peningum og ásrásum á bandaríkjamenn og Ísrael.

Erlent
Fréttamynd

Flugvél hrapar í Kambódíu

Farþegaflugvél í Kambódíu hrapaði í dag. Að minnsta kosti 20 farþegar voru í fluvélinni og eru þeir taldnir látnir. 13 farþeganna voru frá S-Kóreu. Flugvélin, sem var að gerðinni AN-24, tilheyrði litlu flugfélagi sem heitir PMT Air.

Erlent
Fréttamynd

Shalit segist þurfa læknisaðstoð

Gilad Shalit, hermaðurinn sem Hamas rændi fyrir ári síðan, sagði á hljóðupptöku sem að spiluð var í dag að hann þyrfti á læknihjálp að halda. Þá hvatti hann til þess að Ísraelar gæfu palestínskum föngum frelsi svo að hann kæmist undir læknishendur sem fyrst.

Erlent
Fréttamynd

Charles Taylor mætti ekki fyrir stríðsglæpadómstól

Fyrrverandi forseti Líberíu, Charles Taylor, mætti ekki fyrir stríðsglæpadómstól í Haag í dag. Hann segir ástæðuna vera að hann vantar fjármagn til að ráða hæft lögræðingateymi. Réttarhöldunum hefur verið seinkað þar til í næstu viku.

Erlent
Fréttamynd

Blökkumönnum fækkar í bandaríska hernum

Fjöldi blökkumanna sem skráir sig í bandaríska herinn hefur minnkað um þriðjung síðan stríðin í Írak og Afghanistan hófust. Samkvæmt gögnum sem að fjármálablað í Bandaríkjunum hefur sankað að sér kemur í ljós að fækkunin á við um allar fjórar herþjónustur landsins. Fækkunin er jafnvel enn dramatískari ef að varaliðið og þjóðvarðliðið er talið með.

Erlent
Fréttamynd

Hamas lofar hljóðupptöku af týnda hermanninum

Talsmaður vopnaðs arms Hamas sagði í morgun að samtökin myndu gefa frá sér hljóðupptöku með ísraelska hermanninum sem vígamenn tóku í gíslingu fyrir ári síðan. Lítið sem ekkert hefur frést af hermanninum, sem heitir Gilad Shalit, síðan honum var rænt.

Erlent
Fréttamynd

Íranar í samkeppni við BBC og CNN

Íranar ætla sér að setja á fót fréttastöð til þess að keppast við BBC og CNN. Markmið hennar verður að hjálpa umheiminum að komast undan ægishjálmi vestrænna fjölmiðla. Stöðin mun heita PressTV og fer í loftið þann 2. júlí næstkomandi. Þetta kemur fram á íranska fréttavefnum FARS.

Erlent
Fréttamynd

Biskupakirkjan kýs gegn hjónabandi samkynhneigðra

Biskupakirkjan í Kanada hefur kosið gegn því að samkynhneigðir fái að gifta sig innan kirkjunnar. Hjónaband samkynhneigðra er þó löglegt í Kanada. Þeir sem voru á móti sögðu að kirkjan ætti ekki að aðhyllast samkynhneigð.

Erlent
Fréttamynd

Lífstíðarfangelsi fyrir njósnir

Egypskur kjarneðlisfræðingur hefur verið dæmdur í lífstíðarfangelsi fyrir njósnir. Maðurinn, Mohamed Sayed Saber Ali, var dæmdur fyrir að afhenda Ísraelum skjöl sem hann rændi úr egypskri kjarnorkustöð þar sem hann vann. Hann fékk rúmar milljón krónur fyrir vikið. Ali neitaði sakargiftum.

Erlent
Fréttamynd

Lækkanir á kínverskum hlutabréfamarkaði

Gengi CSI-vísitölunnar lækkaði um þrjú prósent í kauphöllinni í Sjanghæ í Kína í dag eftir að seðlabanki landsins sagði nauðsynlegt að hækka stýrivexti til að draga úr verðbólgu, spennu í hagkerfinu og magni peninga í umferð.

Viðskipti erlent
Fréttamynd

Hunter skoðar yfirtökutilboð í Dobbies

Skoski auðkýfingurinn sir Tom Hunter hefur fengið fjárfestingabankann Rothschild til ráðgjafar um yfirtökutilboð í garðvörukeðjuna Dobbies á móti bresku verslanakeðjunni Tesco. Hunter fer með fjórðung bréfa í keðjunni og getur með því móti komið í veg fyrir yfirtökutilboðið.

Viðskipti erlent
Fréttamynd

61% Breta hafa brotið af sér

Samkvæmt könnun sem framkvæmd var af Keele háskólanum í Bretlandi hafa 61% Breta brotið lög. Brotin voru margskonar, og misgróf. Af þeim sem sögðust hafa framið glæp höfðu 62% brotið af sé oftar en þrisvar sinnum og 10% viðurkenndu að hafa brotið oftar en níu sinnum af sér.

Erlent
Fréttamynd

46 stiga hiti í Grikklandi

Stjórnvöld í Grikklandi búast nú við hinu versta en búist er við allt að 46 stiga hita í landinu í dag og á næstu dögum. Júní verður þar með heitasti mánuður í landinu síðan mælingar hófust. Neyðarþjónustur eru í viðbragðsstöðu og búist er við því að rafmagnsleysi eigi eftir að hrjá hluta landsmanna.

Erlent
Fréttamynd

Sjö létust í sprengingu á hóteli í Bagdad

Sjö létust og átta særðust þegar sjálfsmorðssprengjumaður sprengdi sig í loft upp í anddyri hótels í miðborg Bagdad í morgun. Hótelið sækja margir útlendingar og írakskir embættismenn. Það er ekki langt frá Græna svæðinu og var talið eitt það öruggasta í allri borginni.

Erlent
Fréttamynd

Bíómynd gerð um ævi Hugh Hefner

Universal Pictures ætlar sér að gera kvikmynd byggða á ævi stofnanda tímaritsins Playboy, Hugh Hefner. Myndin mun bæði taka á þeim félagslegu málum sem hann hefur barist fyrir og frægari kynlífstengslum hans. Leikstjóri myndarinnar verður Brett Ratner en hann leikstýrði „Rush Hour“ myndunum. Enn hefur ekki verið ákveðið hver muni leika Hefner sjálfan.

Erlent
Fréttamynd

18 látnir eftir sjálfsmorðsárás í Írak

18 manns létust og að minnsta kosti 40 særðust þegar sjálfsmorðssprengjumaður sprengdi sig í loft upp við lögreglustöð í borginni Baiji í norðurhluta Íraks í morgun. Lögregla á staðnum skýrði frá þessu.

Erlent
Fréttamynd

Hóta að sprengja Johnston í loft upp

Hryðjuverkamennirnir sem halda Alan Johnston, fréttamanni BBC, í gíslingu, settu í gær myndband af honum á internetið. á myndbandinu er Johnston íklæddur sprengjuvesti.

Erlent
Fréttamynd

Kjarreldar brenna 150 hús til grunna

Kjarreldar í Kaliforníuríki í Bandaríkjunum hafa brennt rúmlega 150 heimili til grunna og sviðið tæplega átta hundruð hús um helgina. Enginn hefur þó látið lífið í eldunum. Slökkviliðsmönnum hefur reynst erfitt að ná stjórn á eldinum en rúmlega 500 hús til viðbótar eru á svæðinu sem hann stefnir á.

Erlent
Fréttamynd

Norður-Kórea hefur afvopnun

Embættismenn í Norður-Kóreu staðfestu í nótt að þeir hefðu fengið fjármunina sem Bandaríkjamenn frystu fyrr á árinu. Þá sögðu þeir að nú myndu þeir hefja vinnu við að loka kjarnaofni sínum.

Erlent

Mest lesið