Harmageddon

Högni í Hjaltalín: Fimm bestu Nu Metal-smellirnir

Samstarfið ber ávöxt

Félagarnir Daníel Bjarnason og Ben Frost hafa sent frá sér plötuna Sólaris. Sólaris er tónverk eftir Frost og Daníel, en íslenskur frumflutningur á verkinu var á Listahátíð í Reykjavík í sumar. Unsound-hátíðin í Kraká í Póllandi pantaði verkið í tilefni þess að fimmtíu ár eru liðin frá útgáfu samnefndrar skáldsögu eftir rithöfundinn Stanislaw Lem, en verkið er unnið fyrir Krakársinfóníettuna.

Upp á yfirborðið

Gísli Pálmi er eitt heitasta nafnið í hipphoppinu um þessar mundir. Kappinn sendi frá sér lagið Set mig í gang í sumar. það vakti mikla athygli og hann hefur verið að senda frá sér lög á Youtube síðan. Gísli Pálmi kemur fram á Gauknum á laugardagskvöld.

Popp gefur Brostinn streng með Lay Low

Ef þú varst að lesa viðtalið við Lay Low og hugsaðir með þér: "Mikið væri ég til í að eignast nýju plötuna hennar Lovísu“ þá er heppnin með þér.

Forréttindi að búa til tónlist

Lovísa Elísabet Sigrúnardóttir vann hug og hjörtu íslensku þjóðarinnar í fyrsta sinn sem hún plokkaði gítarinn og opnaði munninn undir nafninu Lay Low. Síðan eru liðin fimm ár og mikið vatn hefur runnið til sjávar. Lovísa h

Rokkprófið - Björgvin Halldórsson vs. Erpur Eyvindarson

Megatöffararnir Björgvin Halldórs og Erpur Eyvindar kljást í hinum klassíska bardaga, rokkprófinu. Hvenær voru þeir síðast handteknir? Hvað með óskilgetnu afkvæmin? Hvað er málið með Helga Björns?

Jóhanna Guðrún: Fimm bestu Led Zeppelin lögin

Jóhanna Guðrún Jónsdóttir söngkona velur fimm bestu Led Zeppelin lögin að sínu mati.

Sykur þróar stílinn á nýrri plötu

"Það var margt sem bjátaði á við gerð plötunnar,“ segir Halldór Eldjárn úr hljómsveitinni Sykri. Sykur hefur sent frá sér plötuna Mesópótamía, sem fylgir eftir frumburði sveitarinnar, Frábært eða frábært, sem kom út árið 2009.

Tilraunir á nýrri plötu

"Þetta er langbesta platan,“ segir Guðmundur Kristinn Jónsson, best þekktur sem Kiddi í Hjálmum, um nýja plötu hljómsveitarinnar sem átti að koma út í dag en tafðist í framleiðslu og kemur út 1. nóvember. Platan heitir Órar og er sú fimmta í röðinni, ef frá eru taldar safn- og tónleikaplötur.

Viltu vinna nýju Hjálmaplötuna?

Hjálmar senda frá sér nýja plötu í næstu viku. Ef þú hefur áhuga á að eignast þessa plötu án þess að borga krónu fyrir er heppnin með þér. Það eina sem þú þarft að gera er að fara inn á Facebook og "læka“ síðu Poppsins. Þegar platan kemur út verða nokkrir heppnir vinir Popps dregnir út.

Q-verðlaunin afhent

Breska tónlistartímaritið Q stendur fyrir verðlaunahátíð á hverju ári. Hátíðin fór fram á dögunum og Popp lét sig að sjálfsögðu ekki vanta.

Ný plata frá Diktu

Dikta sló í gegn með plötunni Get it Together fyrir tveim árum. Ný plata er væntanleg frá hljómsveitinni og glæsilegur fálki prýðir umslagið.

Herra Ísland

Mugison er viðkunnanlegasti tónlistarmaður landsins, kann ekki að gefa út lélegar plötur og fyllir tónleikastaði um allt land. Oft. Hann er herra Ísland og gleðst yfir því að eldri konur séu byrjaðar að mæta aftur á tónleikana hans, en þær vildu ekki sjá pungsveitt rokkið af plötunni Mugiboogie. Nýja platan Haglél er ljúfsár og angurvær og er mest selda plata landsins um þessar mundir.

Semja ný lög í sumarbústað

Mammút hefur verið að semja lög á næstu plötu sína í sumarbústað uppi í sveit. „Við leigðum ódýran sumarbústað fyrir utan bæinn, pínkulítinn. Við erum búin að fara þangað tvisvar í sumar og höfum verið í viku, tíu daga í senn,“ segir söngkonan Katrín Mogensen. „Það hefur gengið mjög vel. Það var algjörlega frábær ákvörðun.“ Upptökur á nýju plötunni hefjast í næsta mánuði.

Fimm bestu Abba-lögin

Óttarr Proppé, söngvari í Ham, velur fimm bestu Abba-lögin.

Rokkprófið: Jón Þór í Diktu vs. Logi í Retro Stefson

Þessir tveir eiturhörðu tónlistarmenn takast á í svakalegu rokkprófi. Hvor þeirra ætli sé meiri rokkari?

Tónlistarblaðið Popp kynnir Poppskúrinn á Vísi

Popp kemur út með breyttu sniði í dag og leggur nú áherslu á tónlist en ekki dægurmál almennt eins og það hefur gert undanfarin misseri. Í staðinn fyrir að koma út mánaðarlega kemur Popp út aðra hverja viku.