Viðskipti erlent

Störf í boði fyrir bankamenn á Wall Street

Fjármálafyrirtæki á Wall Street í New York eru byrjuð að ráða til sín fjölda starfsmanna. Síðustu tvö ár hafa tæplega 200 þúsund starfsmenn í bönkum og öðrum fjarmálastofnunum í fjármálahluta borgarinnar misst vinnuna.

Viðskipti erlent 10.10.2009 18:16

Enn meiri niðurskurður boðaður í Lettlandi

Valdis Dombrovskis, forsætisráðherra Lettlands, boðar frekari niðurskurð en tilgreinir ekki hvað felst í aðgerðunum. Nú þegar hefur ríkisstjórn landsins skorið mikið niður í ríkisútgjöldum.

Viðskipti erlent 10.10.2009 13:34

Iceland-stjórar á 800 milljóna ráðstefnu í Disney World

Yfirmannaráðstefna verslunarkeðju sem kostar 4 milljónir punda eða rúmlega 800 milljónir kr. gæti talist yfirdrifið í kreppunni. Það er ekki mat Malclom Walker forstjóra Iceland keðjunnar í Bretlandi sem bauð öllum 800 verslunarstjórum, svæðisstjórum og öðrum yfirmönnum Iceland á ráðstefnu í Disney World í Flórída í síðustu viku. Landsbankinn fer nú með tæplega 14% hlut í Iceland sem var áður í eigu Baugs.

Viðskipti erlent 9.10.2009 11:08

Dönsk skattayfirvöld á auðæfaskaki í skattaskjólum

Dönsk skattayfirvöld eru nú að leita að leyndum auðæfum danskra ríkisborgara í skattaskjólum eða aflandseyjum víða um heiminn. Danski skatturinn reiknar með að þetta skak muni skila þeim fleiri hundruð milljónum danskra króna í ríkiskassann.

Viðskipti erlent 9.10.2009 09:36

Bankahlutir í blóðbaði í kauphöll Kaupmannahafnar

Hlutir í Amagerbanken féllu um 31% í kauphöllinni í Kaupmannahöfn í gærdag og við upphaf markaðarins í dag féllu hlutirnir um 40%. Yfir helmingur af verðmæti hlutanna hefur gufað upp á tveimur dögum.

Viðskipti erlent 9.10.2009 08:54

Yfir 300 hótel í Kaliforníu eru gjaldþrota

Yfir 300 hótel í Kaliforníu hafa orðið gjaldþrota frá áramótum og er það um fimmföld aukning á slíkum gjaldþrotum í ár miðað við sama tímabil í fyrra. Ástæðan er bæði að eigendur geta ekki staðið í skilum af lánum sínum og að verulega hefur dregið úr ferðalögum innan ríkisins vegna kreppunnar.

Viðskipti erlent 8.10.2009 13:33

Íbúðasala ekki jafn léleg í 30 ár í Danmörku

Árið í ár lítur út fyrir að verða það lélegasta í 30 ár hvað varðar sölu íbúða í Danmörku. Þetta kemur fram í nýjum sölutölum frá fasteignasölukeðjunni EDC.

Viðskipti erlent 8.10.2009 09:45

Alcoa: Óvæntur hagnaður, hlutabréf hækka um 6%

Bandaríski álrisinn Alcoa skilaði óvæntum hagnaði á þriðja ársfjórðungi. Nam hagnaðurinn 39 milljónum dollara, eða 4,9 milljörðum kr. sem gerir 4 sent á hlutinn. Sérfræðingar höfðu hinsvegar spáð tapi upp á 9 sent á hlutinn. Hlutir í Alcoa hækkuðu um 6% á eftirmarkaði þegar uppgjörið var tilkynnt eftir lokun markaða í gærkvöldi.

Viðskipti erlent 8.10.2009 08:27

Kreppan leikur Finna grátt

Finnar upplifa nú mestu niðursveiflu í efnahagslífi sínu síðan að kreppan þar hófst á síðasta ári. Samkvæmt nýjum tölum frá hagstofu Finnlands dróst efnahagslíf landsins saman um 11,6% í júlí miðað við sama mánuð í fyrra.

Viðskipti erlent 7.10.2009 14:49

Alcoa: Reiknað með minnsta ársfjórðungstapi ársins

Bandaríski álrisinn Alcoa birtir uppgjör sitt fyrir þriðja ársfjórðung í dag eftir lokun markaða vestan hafs. Sérfræðingar reikna með minnsta ársfjórðungstapi ársins hjá Alco að þessu sinni að því er segir á Bloomberg fréttaveitunni.

Viðskipti erlent 7.10.2009 13:29

Gætu tapað hundruðum milljarða á nýrri löggjöf í Lettlandi

Sænskir og danskir bankar gætu tapað hundruðum milljarða kr. ef áform stjórnvalda í Lettlandi um nýja löggjöf fyrir íbúðaeigendur þar í landi verður að veruleika. Löggjöfin, sem nú er til umræðu á lettneska þinginu gengur út á að takmarka mjög möguleika bankanna á að fá íbúðalán sín endurgreidd.

Viðskipti erlent 7.10.2009 10:22

Enska kirkjan til varnar vogunarsjóðum

Leiðtogar kirkjunnar í Englandi hafa komið vogunarsjóðum til varnar og vilja ekki að um of sé þrengt að sjóðunum með reglugerðum og lögum. Þetta sjónarmið kemur fram tæplega hálfum mánuði eftir að kirkjan líki fjármálahverfinu The City við víxlarana í musterinu í biblíunni.

Viðskipti erlent 7.10.2009 08:40

Fleiri uppsagnir hjá British Airways

Breska flugfélagið British Airways boðar uppsagnir enn á ný. Í þetta sinn var tilkynnt að 1.700 flugliðar, það er að segja starfsfólk í farþegarými, ættu von á bréfinu.

Viðskipti erlent 7.10.2009 07:12

Breska fjármálaeftirlitið: Vill harðari reglur vegna íslenska bankahrunsins

Stjórnarformaður breska fjármálaeftirlitsins (FSA), Lord Turner, vill koma á fót nefnd sem hefur vald til þess að taka fram fyrir hendurnar á eftirlitsaðilum einstakra ríkja í þeim tilgangi að vernda þjóðir fyrir bankahruni eins og gerðist á Íslandi á síðasta ári.

Viðskipti erlent 6.10.2009 22:42

Heimsmarkaðsverð á gulli slær nýtt met

Heimsmarkaðsverð á gulli sló nýtt met í dag þegar únsan fór í 1038 dollara á markaðinum í New York. Fyrra verðmet var sett í mars í fyrra þegar únsan náði 1033,90 dollurum.

Viðskipti erlent 6.10.2009 14:45

Cimber Sterling sparar lakkið og lendir í vandræðum

Flugfélagið Cimber Sterling hefur ítrekað lent í því á alþjóðaflugvöllum að fá ekki afgreitt eldsneyti á vélar sínar þar sem þær eru enn merktar í litum og með nafni hins gjaldþrota Sterling flugfélags. „Það er ekki auðvelt að fljúga með nafn og lógó gjaldþrota flugfélags í meters háum stöfum á flugvélaskrokknum,“ segir í umfjöllun Jyllands Posten um málið.

Viðskipti erlent 6.10.2009 11:03

Fékk innheimtubréf fyrir skuld upp á 0,00 krónur

Norska útvarpsmanninum Kim Nygård brá heldur í brún þegar hann fékk skilaboð frá símafyrirtækinu NetCom um að farsíma hans hefði verið lokað vegna ógreidds reiknings frá árinu 2007. Þegar hann fékk svo innheimtukröfuna frá fyrirtækinu hljóðaði hún upp á 0,00 kr.

Viðskipti erlent 6.10.2009 09:27

Kreppan herjar á Dani, skuldir og gjaldþrot aukast

Danmörk verður hart úti í fjármálakreppu heimsins. Skuldir hins opinbera aukast hröðum skrefum sem og gjaldþrotum hjá einstaklingum og fyrirtækjum. Þá hefur fjöldi nauðungaruppboða sjaldan verið meiri.

Viðskipti erlent 6.10.2009 09:08

Ástralar hækka stýrivexti

Ástralar hafa hækkað stýrivexti um úr 3% í 3,25% og eru þeir þar með fyrsta ríkið af stærstu 20 iðnríkjum heims til þess að bregðast með þessum hætti við bata í alheimshagkerfinu.

Viðskipti erlent 6.10.2009 07:51

Bresk bæjarfélög fá 20 milljarða fyrir áramót

Bresk bæjar- og sveitarfélög munu fá 100 milljónir punda, eða um 20 milljarða kr., úr þrotabúum íslensku bankanna fyrir áramót. Af þessari upphæð eru 70 milljónir punda eða um 14 milljarðar kr. þegar komnar í hús.

Viðskipti erlent 5.10.2009 15:17

Stórbankinn RBS rambaði á barmi gjaldþrots fyrir ári

Staða stórbankans Royal Bank of Scotland (RBS) var mun verri en áður var talið fyrir ári síðan þegar bresk stjórnvöld komu bankanum til bjargar. RBS rambaði á barmi gjaldþrots og mátti litlu muna að hann færi á hliðina.

Viðskipti erlent 5.10.2009 13:48

Hlutabréf hafa hækkað of mikið, of snemma og of hratt

Hagfræðiprófessorinn Nouriel Roubini, auknefndur Dr. Doom, segir að hlutabréf á mörkuðum heimsins hafi hækkað of mikið, of snemma og of hratt. Af þeim sökum telur hann að þessir markaðir muni taka dýfu niður á við á yfirstandandi ársfjórðungi eða fyrsta ársfjórðung á næsta ári.

Viðskipti erlent 5.10.2009 13:15

Dæmi um persónulega harmleiki vegna Icesave

Talsmaður sparifjáreigenda í Hollandi segir dæmi um persónulega harmleiki vegna tapaðs fjár af Icesave reikningum.

Viðskipti erlent 5.10.2009 12:07

Aurum ræðir við Landsbankann um skuldbreytingu

Aurum Holding á nú í viðræðum við Landsbankann um að breyta 20 milljón punda, eða 4 milljarða kr., skuld félagsins við bankann í hlutafé. Baugur átti 37,8% í Aurum en PwC hefur tekið við stjórn þess hlutar fyrir hönd skilanefndar Landsbankans.

Viðskipti erlent 5.10.2009 10:16

Fjárfestar lýsa trausti á Atlantic Petroleum

Færeyska olíufélaginu Atlantic Petroleum hefur gengið vel í morgun að selja hluti í nýju hlutabréfaútboði til hluthafa sinna. Verðmæti hluta í félaginu hefur aukist um 20% í kauphöllinni í Kaupmannahöfn frá því að opnað var fyrir viðskipti þar í morgun.

Viðskipti erlent 5.10.2009 08:58

Berlusconi verður að borga 120 milljarða í sekt

Fininvest, félag í eigu Silvio Berlusconi forsætisráðherra Ítalíu, hefur verið dæmt til að borga yfir 120 milljarða kr. í sekt. Sektin á Fininvest að greiða fyrrum keppinaut sínum, fjölmiðlafyrirtækinu CIR sem nú er gjaldþrota.

Viðskipti erlent 5.10.2009 08:48

French Connection lokar öllum verslunum sínum í Japan

French Connection, ein þekktasta tískuverslanakeðja Bretlands, hefur ákveðið að loka öllum verslununm sínum í Japan en þær eru 21 talsins. Með þessu ætlar stjórn keðjunnar að reyna að stemma stigu við miklu tapi sem er á rekstrinum.

Viðskipti erlent 5.10.2009 08:22

Eigandi Legolands kaupir SeaWorld

Eigandi Legolands og Madame Tussauds vaxmyndasafnsins er við það að kaupa eina af vinsælustu ferðamannastöðum Bandaríkjanna, en það eru skemmtigarðarnir SeaWorld og Busch Garden á Flórída.

Viðskipti erlent 4.10.2009 17:28

Mike Shearwood ráðinn forstjóri Aurora

Aurora Fashions hefur ráðið Mike Shearwood í stöðu forstjóra. Hann tekur við stöðunni af Derek Lovelock sem aftur er orðinn stjórnarformaður félagsins. Sem kunnugt er af fréttum er Aurora nú að stórum hluta í eigu Kaupþings og hefur verið það síðan í mars s.l. Meðeigendur Kaupþings eru fyrrum stjórnendur Mosaic Fashions.

Viðskipti erlent 2.10.2009 13:54

Rússar halda áfram að kaupa hluti í Facebook

Rússneskt fjárfestingafélag heldur áfram að kaupa hluti í Facebook, nú beint frá hluthöfum í þessari stærstu samskiptavefsíðu heimsins. Félagið, Digital Sky Technologies (DST), keypti í sumar hluti af núverandi og fyrrverandi starfsmönnum Facebook fyrir 100 milljónir dollara eða um 12,5 milljarð kr.

Viðskipti erlent 2.10.2009 10:12