Mikilvægt að prufukeyra

Þegar bíll er keyptur, hvort sem hann er notaður eða nýr, er mjög mikilvægt að prufukeyra hann. Áður en farið er í aksturinn er gott að spyrja bílasalann í þaula um bílinn, kosti hans og galla. Eindregið er mælt með því að kaupendur skoði bílinn vel og vandlega að innan fyrir og eftir prufukeyrsluna, þannig er hægt að sannreyna ástand bílsins og staðfesta þau svör sem bílasalinn gaf fyrir prufukeyrsluna. Munið að ástand notaðs bíls og hvernig um hann var séð áður er alveg jafn mikilvægt og tegund, aukabúnaður eða stærð þegar hann var nýr. Við prufukeyrsluna er gott að líta eftir smærri vandamálum sem gætu lækkað bílinn í verði.