Bush fengi fleiri kjörmenn í dag

George W. Bush Bandaríkjaforseti næði endurkjöri ef kosið yrði í dag samkvæmt nýrri kosningaspá CNN sjónvarpsstöðvarinnar. John Kerry er hins vegar í sókn og getur velgt honum verulega undir uggum, segir í sömu spá. CNN kannaði hvaða ríki hvor frambjóðandi er líklegri til að sigra í og hversu marga kjörmenn þeir fá samkvæmt því. Staðan nú er sú að Bush fengi 301 kjörmann en Kerry 237. Kerry sækir þó á í sjö ríkjum þar sem mjótt er á munum. Nái hann að hafa betur í tveimur þeirra, Ohio og Flórída fær hann 285 kjörmenn en Bush 253.