Hætti ekki fyrr en ég fæ gæsahúð

"Ég held nefnilega að okkur Íslendingum veiti ekki af. Tónlistin er samin eftir ákveðinni forskrift að því leyti að hún er öll með svokölluðum 60 slögum á mínútu. Vísindamenn segja að ef hjartslátturinn sé á því róli sé fólk í mjög afslöppuðu og góðu ástandi og þá sé auðveldara að tileinka sér nýja þekkingu. Þess vegna eru námsmenn farnir að nýta sér tónlist mína í auknum mæli, því það fær þá til að koma í veg fyrir stress sem getur spillt fyrir náminu. Því ef hjartsláttarhraðinn eykst eins og gerist þegar fólk er stressað, dregur það úr virkni ýmissa stöðva heilans, sem er alls ekki gott þegar fólk er að reyna læra." Byrjaði að semja slökunartónlist fyrir sjálfan sig. Friðrik byrjaði að leika sér í þessari tegund tónlistar eftir að hann fór að æfa jóga. "Ástæðan var sú að mér fannst tónlistin sem verið var að spila ekki nægilega góð og vissi að ég gæti sjálfur samið töluvert betri músík. Þannig ég samdi minn eigin disk til að stunda jóga við. Þá hugsaði ég tónlistina bara fyrir mig og mína jógaástundun en smám saman spurðist þetta út og vatt upp á sig.  Til að ná innspirasjón læt ég náttúruna oft hafa áhrif á mig." Lestu ítarlegt viðtal við Friðrik í tímaritinu Magasín sem fylgir DV í dag.