Samningur um aldursmerkingar á tölvuleikjum 8. desember 2004 00:01 SMÁÍS (Samtök Myndrétthafa á Íslandi) og ISFE (Interactive Software Federation of Europe) hafa gert með sér samning, um að SMÁÍS verði aðili að PEGI (Pan European Game Information System), sem eru aldursmerkingar á tölvuleikjum. Samkvæmt samningnum tekur SMÁÍS að sér að kynna og markaðssetja PEGI tölvuleikjamerkingar til neytenda, foreldra, heildsala og verslana hér á landi. Þá munu aðilar SMÁÍS sem dreifa tölvuleikjum hér á landi tryggja að allir leikir sem dreifðir eru hér á landi innihaldi PEGI merkingar. Aldursflokkunarkerfi PEGI er nýtt samevrópskt flokkunarkerfi til að setja aldursmörk fyrir gagnvirka leiki. Kerfinu er ætlað að tryggja að ólögráða börn fari ekki í leiki sem eru ekki við hæfi þeirra aldurshóps. Flokkunarkerfið byggir á tveimur aðskildum en samverkandi þáttum. Fyrri þátturinn er aldursflokkun. Aldurshópar PEGI eru 3+, 7+, 12+, 16+ og 18+. Hinn þátturinn eru efnisvísar leiksins. Efnisvísarnir eru myndtákn aftan á hulstri leiksins sem lýsa innihaldi hans. Fjöldi efnisvísa getur verið allt upp í sex og gefur til kynna hvort í leiknum er að finna ofbeldi, kynferðislegt efni, umfjöllun eða tilvísun um vímuefni. Þá er sérmerking ef leikur þykir ógnvekjandi eða getur valdið ótta hjá ungum börnum, hvort leikur dregur upp mynd af mismunun eða getur hvatt til mismununar og loks hvort í leiknum er ljótt orðbragð. Innihald leiksins er að sjálfsögðu í samræmi við aldursflokkun hans. Saman gera aldursflokkunin og efnisvísarnir foreldrum og öðrum sem kaupa leiki handa börnum kleift að tryggja að leikurinn hæfi aldri barnanna. Þó svo að PEGI kerfið sé eingöngu tillaga eru foreldrar og forráðamenn hvattir til að virða aldurstakmörkin. PEGI flokkunarkerfið segir ekki til um erfiðleikastig leikjanna. Leikur sem flokkaður er 3+ er talinn skaðlaus en gæti verið of flókinn fyrir 3 ára börn. Kerfið nýtur stuðnings allra helstu framleiðenda á leikjatölvum, þar á meðal PlayStation, Xbox og Nintendo, sem og útgefenda og þróunaraðila gagnvirkra leikja um alla Evrópu. Evrópusamtökin um gagnvirkan hugbúnað (Interactive Software Federation of Europe, eða ISFE) þróuðu flokkunarkerfið. Kerfið nýtur dyggs stuðnings framkvæmdastjórnar Evrópusambandsins, sem telur það vera fyrirmynd að samhæfingu á sviði barnaverndar í Evrópu. Með PEGI, sem var stofnað vorið 2003 varð til eitt aldursflokkunarkerfi um mestalla Evrópu. Flokkun leikja er sýnd framan og aftan á hulstrum þeirra.. Á næstu dögum verður plakötum sem innihalda upplýsingar um hvernig lesi megi úr PEGI merkingum dreift til allra söluaðila tölvuleikja á Íslandi. Þá mun heimasíða PEGI www.pegi.info verða þýdd yfir á íslensku en þar er hægt að fá allar upplýsingar um kerfið, fletta upp leikjum og senda inn kvartanir, svo eitthvað sé nefnt. Einnig er hægt að fá helstu upplýsingar um kerfið á heimasíðu SMÁÍS www.smais.is. Með samningnum fá Íslendingar tvo fulltrúa í nefndir á vegum PEGI. Það er annarsvegar svokölluð kærunefnd (Complaints Board) sem sker úr um deilur á milli útgefenda og ISFE og rannsakar kærur frá almenningi varðandi aldursmörk og flokkun. Hinsvegar fá Íslendingar fulltrúa í ráðgjafanefnd (e. advisory board) sem hefur það hlutverk að þróa kerfið og aðlaga. Fréttir Innlent Leikjavísir Lífið Menning Tækni Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira
SMÁÍS (Samtök Myndrétthafa á Íslandi) og ISFE (Interactive Software Federation of Europe) hafa gert með sér samning, um að SMÁÍS verði aðili að PEGI (Pan European Game Information System), sem eru aldursmerkingar á tölvuleikjum. Samkvæmt samningnum tekur SMÁÍS að sér að kynna og markaðssetja PEGI tölvuleikjamerkingar til neytenda, foreldra, heildsala og verslana hér á landi. Þá munu aðilar SMÁÍS sem dreifa tölvuleikjum hér á landi tryggja að allir leikir sem dreifðir eru hér á landi innihaldi PEGI merkingar. Aldursflokkunarkerfi PEGI er nýtt samevrópskt flokkunarkerfi til að setja aldursmörk fyrir gagnvirka leiki. Kerfinu er ætlað að tryggja að ólögráða börn fari ekki í leiki sem eru ekki við hæfi þeirra aldurshóps. Flokkunarkerfið byggir á tveimur aðskildum en samverkandi þáttum. Fyrri þátturinn er aldursflokkun. Aldurshópar PEGI eru 3+, 7+, 12+, 16+ og 18+. Hinn þátturinn eru efnisvísar leiksins. Efnisvísarnir eru myndtákn aftan á hulstri leiksins sem lýsa innihaldi hans. Fjöldi efnisvísa getur verið allt upp í sex og gefur til kynna hvort í leiknum er að finna ofbeldi, kynferðislegt efni, umfjöllun eða tilvísun um vímuefni. Þá er sérmerking ef leikur þykir ógnvekjandi eða getur valdið ótta hjá ungum börnum, hvort leikur dregur upp mynd af mismunun eða getur hvatt til mismununar og loks hvort í leiknum er ljótt orðbragð. Innihald leiksins er að sjálfsögðu í samræmi við aldursflokkun hans. Saman gera aldursflokkunin og efnisvísarnir foreldrum og öðrum sem kaupa leiki handa börnum kleift að tryggja að leikurinn hæfi aldri barnanna. Þó svo að PEGI kerfið sé eingöngu tillaga eru foreldrar og forráðamenn hvattir til að virða aldurstakmörkin. PEGI flokkunarkerfið segir ekki til um erfiðleikastig leikjanna. Leikur sem flokkaður er 3+ er talinn skaðlaus en gæti verið of flókinn fyrir 3 ára börn. Kerfið nýtur stuðnings allra helstu framleiðenda á leikjatölvum, þar á meðal PlayStation, Xbox og Nintendo, sem og útgefenda og þróunaraðila gagnvirkra leikja um alla Evrópu. Evrópusamtökin um gagnvirkan hugbúnað (Interactive Software Federation of Europe, eða ISFE) þróuðu flokkunarkerfið. Kerfið nýtur dyggs stuðnings framkvæmdastjórnar Evrópusambandsins, sem telur það vera fyrirmynd að samhæfingu á sviði barnaverndar í Evrópu. Með PEGI, sem var stofnað vorið 2003 varð til eitt aldursflokkunarkerfi um mestalla Evrópu. Flokkun leikja er sýnd framan og aftan á hulstrum þeirra.. Á næstu dögum verður plakötum sem innihalda upplýsingar um hvernig lesi megi úr PEGI merkingum dreift til allra söluaðila tölvuleikja á Íslandi. Þá mun heimasíða PEGI www.pegi.info verða þýdd yfir á íslensku en þar er hægt að fá allar upplýsingar um kerfið, fletta upp leikjum og senda inn kvartanir, svo eitthvað sé nefnt. Einnig er hægt að fá helstu upplýsingar um kerfið á heimasíðu SMÁÍS www.smais.is. Með samningnum fá Íslendingar tvo fulltrúa í nefndir á vegum PEGI. Það er annarsvegar svokölluð kærunefnd (Complaints Board) sem sker úr um deilur á milli útgefenda og ISFE og rannsakar kærur frá almenningi varðandi aldursmörk og flokkun. Hinsvegar fá Íslendingar fulltrúa í ráðgjafanefnd (e. advisory board) sem hefur það hlutverk að þróa kerfið og aðlaga.
Fréttir Innlent Leikjavísir Lífið Menning Tækni Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Fleiri fréttir Árlegt „Fifa“mót GameTíví GameTíví: Heldur för sinni um Night City áfram God of War Ragnarök á PC: Kratos er enn klikkaður Stiklusúpa: Allt það helsta frá kynningu Sony í gær GameTíví: Íslendingaslagur í Warzone Space Marine 2: Fyrirtaks skemmtun af gamla skólanum Ólympíukvöld hjá GameTíví GameTíví: Plortedo spilar sig gegnum Night City CCP kynnir nýjan leik í söguheimi EVE Online GameTíví: Skúrkur í skýjunum GameTíví: Stefna á þrjá sigra í Warzone Astro Bot: Astro stígur ekki feilspor í nánast fullkomnum leik Star Wars heimurinn skoðaður í GameTíví Star Wars Outlaws: Ekki eins hræðilegur og internetið segir Endurgreiða þeim fáu sem keyptu Concord GameTíví: Snúa hlekkjaðir saman úr sumarfríi Sjá meira