Eldur í blokk í Hafnarfirði

Eldur kom upp í íbúð í fjölbýlishúsi að Svöluási 1 í Hafnarfirði laust eftir klukkan eitt í dag og var allt tiltækt slökkvilið á höfuðborgarsvæðinu kallað á staðinn. Greiðlega gekk að slökkva eldinn og var slökkvstarfi lokið rétt um klukkan tvö. Einn maður var í íbúðinni og var hann fluttur á slysadeild með snert af reykeitrun. Að sögn slökkviliðs kom eldurinn upp í stofunni og skemmdist íbúðin töluvert í eldinum en minni skemmdir urðu á öðrum íbúðum þar sem stigagangurinn er utan á fjölbýlishúsinu. Ekki er ljóst í hverju kviknaði í stofunni.