Handrukkari fær þrjú ár

Hæstiréttur þyngdi í gær fyrri dóm Héraðsdóms Reykjavíkur yfir Annþóri Kristjáni Karlssyni um hálft ár, en fyrri dómur hljóðaði upp á tveggja og hálfs árs fangelsi. Staðfestur var tveggja ára dóm yfir Ólafi Valtý Rögnvaldssyni. Til frádráttar kemur þriggja vikna gæsluvarðhald hjá báðum. Annþór og Ólafur Valtýr réðust inn á heimili mjaðmagrindarbrotins manns og gengu þar í skrokk á honum. Fyrir dómi breytti maðurinn framburði sínum og vildi fría Annþór af því að hafa handleggsbrotið sig. Sagan var ekki tekin trúanleg og kvað Hæstiréttur brot Annþórs bæði "alvarleg og ófyrirleitin."