Þorgerður Katrín vinsælust

Minni ánægja ríkir meðal landsmanna með störf allra ráðherra Framsóknarflokksins nú en síðasta haust, samkvæmt nýrri könnun frá Þjóðarpúlsi Gallups sem Ríkisútvarpið segir frá á heimasíðu sinni, ruv.is. Tæp 28 prósent aðspurðra eru ánægð með störf Halldórs Ásgrímssonar forsætisráðherra en ánægja með störf hans hefur minnkað jafnt og þétt síðustu sjö ár. Mest ánægja ríkir samkvæmt könnuninni með störf Þorgerðar Katrínar Gunnarsdóttur menntamálaráðherra.