Kókaínkaupin undu upp á sig 9. maí 2005 00:01 Hugmynd um innflutning á 100 grömmum af kókaíni frá Rotterdam fór úr böndunum hjá blómasala í Keflavík og félögum hans þegar tekið var að hrinda henni í framkvæmd. Þeir sem fjármögnuðu kaupin vildu nota tækifærið og kaupa inn e-töflur. Aðalmeðferð í málinu fór fram í Héraðsdómi Reykjaness í gær, en alls eru sjö ákærðir fyrir innfluting eða hlutdeild í glæpnum. Söluandvirði efnanna er talið geta numið yfir þremur milljónum króna. Í ársbyrjun 2004 kom upp sú hugmynd hjá blómasalanum og ungum manni, hálfþrítugum kærasta dóttur konu blómasalans, að smygla til landsins 100 grömmum af kókaíni. Ung frænka blómasalans var með marokkóskum manni sem til þekkti í Rotterdam og átti að nýta samböndin. "Hann sagðist vera með pottþétta leið," sagði ungi maðurinn fyrir dómi, en báðir voru að eigin sögn í miklu rugli. Blómasalinn útvegaði læknadóp og sá ungi var í hasssölu til að fjármagna eigin neyslu. "Mér leið illa yfir skuldum og vildi losna við þær, þetta var skyndilausn," sagði sá ungi. Ungi maðurinn leitaði til kunningja síns, sem ákærður er ásamt fimmta manni, um fjármagn til kaupanna. Sá vildi hlutdeild í innkaupunum, lánaði unga manninum tæpar 400 þúsund krónur og lagði sjálfur til ámóta upphæð til e-töflukaupa. Blómasalinn átti ekki að fá annað en um 30 grömm af kókaíni, helminginn til eigin neyslu en restina ætlaði hann að selja. Pottþétta leiðin til innflutningsins var svo að senda efnin í pósti á blómabúðina. Blómasalinn og ungi maðurinn báru báðir að greiða hafi átt Marokkómanninum eina milljón fyrir aðstoð og milligöngu um kaup ytra. Ungi maðurinn lýsti því hvernig hann ásamt Marokkómanninum og liðlega tvítugri kærustu hans flugu til Hollands og dvöldu í fjóra daga í Rotterdam hjá vinkonu hennar. "Við hittum þessa sölumenn á hverjum degi, þeir voru einhverjir kunningjar, en ég veit ekkert hvað þeim fór á milli, skil ekki svona hrognamál," sagði hann og vísaði til þess að sölumennirnir og Marokkómaðurinn ræddust við á arabísku. Kaupin fóru fram heima hjá vini Marokkómannsins og svo var efnunum komið fyrir í útboruðum kertum sem svo voru send í pósti til Íslands. Sú leið virðist hafa verið ákveðin á síðustu stundu, eftir símtal við blómasalann. Þegar heim var komið tóku við angistarfullar vikur í bið eftir pakkanum að sögn ákærðu. Blómasalinn þorði svo ekki að sækja pakkann sjálfur, en sendi dóttur konunnar, kærustu unga mannsins, í staðinn. Ungi maðurinn tók pakkann og opnaði svo hjá vinunum sem fjármögnuðu kaupin. Þá kom í ljós að átt hafði verið við sendinguna. "Ég vissi strax hvað var þá að gerast og fór niður í blómabúð og sá að verið var að handtaka alla," sagði ungi maðurinn, sem við svo búið lét vinina sem fjármögnuðu vita. "Svo fór ég bara á rúntinn og beið eftir að vera tekinn," bætti hann við, en lögregla hafði fylgst með blómasalanum í nokkurn tíma og meðal annars hlerað síma hans. Frænkan, kona Marokkómannsins, er ákærð fyrir að hafa tekið við eiturlyfjagróða frá honum og kærasta unga mannsins, dóttir konu blómasalans, fyrir að hafa sótt dópið á pósthúsið. Hver ákærði reyndi að gera sem minnst úr sínum hluta í innflutningi kókaínsins og e-taflnanna sem fjallað var um í Héraðsdómi Reykjaness í gær. Blómasali kvaðst bara hafa átt hugmynd að kókaínkaupum. Ungi maðurinn, kærasti dóttur konu blómasalans, kvaðst í raun hafa verið leiksoppur hans og hálfgert burðardýr. Marokkómaðurinn sem þekkti eiturlyfjasala í hjáverkum sagðist í raun bara hafa komið á tengslum kaupanda og seljanda. "Ég var bara í fríi í útlöndum með konunni minni," sagði hann og kvað greiðslu upp á rúmar 165 þúsund krónur frá eiturlyfjasalanum bara hafa verið lán frá vini. Peningana fékk hann í evruseðlum sama dag og kaupin áttu sér stað. Hann harðneitaði því líka að hafa átt að fá greidda milljón króna frá íslendingunum fyrir aðstoðina. Fréttir Innlent Lög og regla Mest lesið „Ef hann hefði verið einn þá hefði þetta getað farið miklu verr“ Innlent Íslensk flugáhöfn horfði á ljónaárás rétt við hótelið Innlent Af hverju er barnið mitt alltaf að segja Skibidi toilet? Innlent Huldukona í lykilhlutverki í lygilegu ráðabruggi um símboðana Erlent Segir rangt að þau hafi reynt að stöðva lögreglubíl í forgangsakstri Innlent Tveir reyndust í skotti bíls Innlent Risaþotan flaug aftur yfir Reykjavíkursvæðið Innlent Uppruni stjarnanna óþekktur: „Hver andskotinn hefur verið að setja þetta inn?“ Innlent Fannst hann þvingaður til að afsala sér hundinum Innlent „Þegar hægrið fær að ráða ferðinni óheft og án alls taumhalds fer illa“ Innlent Fleiri fréttir Athafnamaðurinn Þráinn Hafstein Kristjánsson látinn Uppruni stjarnanna óþekktur: „Hver andskotinn hefur verið að setja þetta inn?“ Nýtt eftirlitskerfi á ytri landamærum Schengen-svæðisins Öflugur skjálfti í Bárðarbunguöskju Sláturgerð, Sherry og súkkulaði á Hellu „Hann hverfur ofan í jörðina“ Heppni að ekki fór verr þegar tveggja ára drengur féll niður nokkra metra Risaþotan flaug aftur yfir Reykjavíkursvæðið „Þetta er ekki endanlegt frumvarp“ Samþykktu ályktun og stefna að kosningum í vor Segir rangt að þau hafi reynt að stöðva lögreglubíl í forgangsakstri Nóg af heitu vatni á Selfossi Glerbrot í lauginni „Kveður við nýjan tón í samstarfinu sem er efnislega lokið“ Stjónmálafræðingur segir kosningar nær en marga gruni Nýr formaður VG, seðlabankastjóri og ástandið á Gaza Íslensk flugáhöfn horfði á ljónaárás rétt við hótelið Handtekinn eftir hliðarkeyrslu á talsverðum hraða Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Sjá meira
Hugmynd um innflutning á 100 grömmum af kókaíni frá Rotterdam fór úr böndunum hjá blómasala í Keflavík og félögum hans þegar tekið var að hrinda henni í framkvæmd. Þeir sem fjármögnuðu kaupin vildu nota tækifærið og kaupa inn e-töflur. Aðalmeðferð í málinu fór fram í Héraðsdómi Reykjaness í gær, en alls eru sjö ákærðir fyrir innfluting eða hlutdeild í glæpnum. Söluandvirði efnanna er talið geta numið yfir þremur milljónum króna. Í ársbyrjun 2004 kom upp sú hugmynd hjá blómasalanum og ungum manni, hálfþrítugum kærasta dóttur konu blómasalans, að smygla til landsins 100 grömmum af kókaíni. Ung frænka blómasalans var með marokkóskum manni sem til þekkti í Rotterdam og átti að nýta samböndin. "Hann sagðist vera með pottþétta leið," sagði ungi maðurinn fyrir dómi, en báðir voru að eigin sögn í miklu rugli. Blómasalinn útvegaði læknadóp og sá ungi var í hasssölu til að fjármagna eigin neyslu. "Mér leið illa yfir skuldum og vildi losna við þær, þetta var skyndilausn," sagði sá ungi. Ungi maðurinn leitaði til kunningja síns, sem ákærður er ásamt fimmta manni, um fjármagn til kaupanna. Sá vildi hlutdeild í innkaupunum, lánaði unga manninum tæpar 400 þúsund krónur og lagði sjálfur til ámóta upphæð til e-töflukaupa. Blómasalinn átti ekki að fá annað en um 30 grömm af kókaíni, helminginn til eigin neyslu en restina ætlaði hann að selja. Pottþétta leiðin til innflutningsins var svo að senda efnin í pósti á blómabúðina. Blómasalinn og ungi maðurinn báru báðir að greiða hafi átt Marokkómanninum eina milljón fyrir aðstoð og milligöngu um kaup ytra. Ungi maðurinn lýsti því hvernig hann ásamt Marokkómanninum og liðlega tvítugri kærustu hans flugu til Hollands og dvöldu í fjóra daga í Rotterdam hjá vinkonu hennar. "Við hittum þessa sölumenn á hverjum degi, þeir voru einhverjir kunningjar, en ég veit ekkert hvað þeim fór á milli, skil ekki svona hrognamál," sagði hann og vísaði til þess að sölumennirnir og Marokkómaðurinn ræddust við á arabísku. Kaupin fóru fram heima hjá vini Marokkómannsins og svo var efnunum komið fyrir í útboruðum kertum sem svo voru send í pósti til Íslands. Sú leið virðist hafa verið ákveðin á síðustu stundu, eftir símtal við blómasalann. Þegar heim var komið tóku við angistarfullar vikur í bið eftir pakkanum að sögn ákærðu. Blómasalinn þorði svo ekki að sækja pakkann sjálfur, en sendi dóttur konunnar, kærustu unga mannsins, í staðinn. Ungi maðurinn tók pakkann og opnaði svo hjá vinunum sem fjármögnuðu kaupin. Þá kom í ljós að átt hafði verið við sendinguna. "Ég vissi strax hvað var þá að gerast og fór niður í blómabúð og sá að verið var að handtaka alla," sagði ungi maðurinn, sem við svo búið lét vinina sem fjármögnuðu vita. "Svo fór ég bara á rúntinn og beið eftir að vera tekinn," bætti hann við, en lögregla hafði fylgst með blómasalanum í nokkurn tíma og meðal annars hlerað síma hans. Frænkan, kona Marokkómannsins, er ákærð fyrir að hafa tekið við eiturlyfjagróða frá honum og kærasta unga mannsins, dóttir konu blómasalans, fyrir að hafa sótt dópið á pósthúsið. Hver ákærði reyndi að gera sem minnst úr sínum hluta í innflutningi kókaínsins og e-taflnanna sem fjallað var um í Héraðsdómi Reykjaness í gær. Blómasali kvaðst bara hafa átt hugmynd að kókaínkaupum. Ungi maðurinn, kærasti dóttur konu blómasalans, kvaðst í raun hafa verið leiksoppur hans og hálfgert burðardýr. Marokkómaðurinn sem þekkti eiturlyfjasala í hjáverkum sagðist í raun bara hafa komið á tengslum kaupanda og seljanda. "Ég var bara í fríi í útlöndum með konunni minni," sagði hann og kvað greiðslu upp á rúmar 165 þúsund krónur frá eiturlyfjasalanum bara hafa verið lán frá vini. Peningana fékk hann í evruseðlum sama dag og kaupin áttu sér stað. Hann harðneitaði því líka að hafa átt að fá greidda milljón króna frá íslendingunum fyrir aðstoðina.
Fréttir Innlent Lög og regla Mest lesið „Ef hann hefði verið einn þá hefði þetta getað farið miklu verr“ Innlent Íslensk flugáhöfn horfði á ljónaárás rétt við hótelið Innlent Af hverju er barnið mitt alltaf að segja Skibidi toilet? Innlent Huldukona í lykilhlutverki í lygilegu ráðabruggi um símboðana Erlent Segir rangt að þau hafi reynt að stöðva lögreglubíl í forgangsakstri Innlent Tveir reyndust í skotti bíls Innlent Risaþotan flaug aftur yfir Reykjavíkursvæðið Innlent Uppruni stjarnanna óþekktur: „Hver andskotinn hefur verið að setja þetta inn?“ Innlent Fannst hann þvingaður til að afsala sér hundinum Innlent „Þegar hægrið fær að ráða ferðinni óheft og án alls taumhalds fer illa“ Innlent Fleiri fréttir Athafnamaðurinn Þráinn Hafstein Kristjánsson látinn Uppruni stjarnanna óþekktur: „Hver andskotinn hefur verið að setja þetta inn?“ Nýtt eftirlitskerfi á ytri landamærum Schengen-svæðisins Öflugur skjálfti í Bárðarbunguöskju Sláturgerð, Sherry og súkkulaði á Hellu „Hann hverfur ofan í jörðina“ Heppni að ekki fór verr þegar tveggja ára drengur féll niður nokkra metra Risaþotan flaug aftur yfir Reykjavíkursvæðið „Þetta er ekki endanlegt frumvarp“ Samþykktu ályktun og stefna að kosningum í vor Segir rangt að þau hafi reynt að stöðva lögreglubíl í forgangsakstri Nóg af heitu vatni á Selfossi Glerbrot í lauginni „Kveður við nýjan tón í samstarfinu sem er efnislega lokið“ Stjónmálafræðingur segir kosningar nær en marga gruni Nýr formaður VG, seðlabankastjóri og ástandið á Gaza Íslensk flugáhöfn horfði á ljónaárás rétt við hótelið Handtekinn eftir hliðarkeyrslu á talsverðum hraða Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Sjá meira