Úr þakhýsi í kjallara

Landhelgisgæslan flutti í gær stjórnstöð sína frá Seljavegi 32 í Reykjavík þar sem hún hefur verið í 51 ár á efstu hæð. Stjórnstöðin er nú í kjallara í Skógarhlíð þar sem Neyðarlínan var fyrir. Á árinu stendur svo til að flytja alla starfsemi Gæslunnar yfir í Skógarhlíð í álmu sem er í smíðum. Viðbrigðin eru hins vegar töluverð fyrir starfsmenn stjórnstöðvarinnar sem fara úr ríflega 110 fermetrum á efstu hæð í 60 fermetra í kjallara sem þeir deila með öðrum. Þá bætir stjórnstöðin við sig verkefnum og tekur samkvæmt samningi við Siglingastofnun við stjórn vaktstöðvar siglinga og stýrir eftirleiðis tilkynningaskyldu og strandstöðvaþjónustu.