Fjórir unglingspiltar fá dóm

Fjórir piltar, fæddir árin 1986 og 1987, voru dæmdir í sex til tíu mánaða skilorðsbundið fangelsi í Héraðsdómi Reykjavíkur í dag. Piltarnir játuðu allir brot sín sem voru nokkur fjöldi innbrota auk minniháttar fíkniefnabrota. Haldi piltarnir skilorð í þrjú ár fellur refsing niður. Í dag eru allir piltarnir í vinnu og gátu þeir sýnt fram á vottorð frá vinnuveitanda. Sá sem fékk vægustu refsinguna fékk ákærufrestun árið 2003 en hafði að öðru leyti hreint sakarvottorð.