Dómsmál

Dómsmál

Fréttir af málum sem rata fyrir dómstóla.

Fréttamynd

Átti að fá smá­aura fyrir sögu­legt smygl

Þýsk kona á sextugsaldri segist hafa leiðst út í að flytja tuttugu kíló af sterkum fíkniefnum til landsins með Norrænu vegna fjárhagsvandræða í tengslum við handtöku sonar hennar í Frakklandi. Hún hafi átt að fá tvö til þrjú þúsund evrur fyrir ómakið, sem jafngildir um 290 til 340 þúsund krónum. Hún á nú yfir höfði sér allt að tólf ára fangelsi.

Innlent

Fréttir í tímaröð

Fréttamynd

Hálfs árs fangelsi fyrir að berja mann með bif­hjóla­keðju

Héraðsdómur Reykjavíkur dæmdi karlmann með langan sakaferil að baki í sex mánaða fangelsi, skilorðsbundið til þriggja ára, fyrir líkamsárás þegar hann sló mann í höfuðið með mótorhjólakeðju. Tekið var tillit til viðsnúnings á högum árásarmannsins þegar refsingin var ákveðin.

Innlent
Fréttamynd

Níu ára fangelsi fyrir að nauðga fatlaðri konu í­trekað

Landsréttur hefur dæmt Sigurjón Ólafsson, karlmann á sextugsaldri, í níu ára fangelsi fyrir að hafa nauðgað andlegra fatlaðri konu ítrekað og látið aðra menn sem hann var í samskiptum við nauðga henni. Hann var yfirmaður hennar og neyddi son hennar til að fylgjast með kynferðislegum athöfnum þeirra. Hann hlaut ára dóm í héraði, áfrýjaði sjálfur og Landsréttur þyngdi dóminn um eitt ár.

Innlent
Fréttamynd

For­stjóri Deloitte sýknaður af á­kæru fyrir kyn­ferðis­brot

Þorsteinn Pétur Guðjónsson, forstjóri Deloitte á Íslandi, hefur verið sýknaður af ákæru fyrir kynferðisbrot. Honum var gefið að sök að hafa veist að ungri konu á hóteli á Suðurlandi vorið 2023. Hann segist þakklátur því að réttlætið hafi náð fram að ganga í málinu.

Innlent
Fréttamynd

Málið verði flutt upp á nýtt með nýju vitni

Margrét Friðriksdóttir og verjandi hennar Hilmar Garðar Þorsteinsson hafa krafist þess að mál gegn henni vegna ummæla um héraðsdómara verði endurflutt. Dómsuppkvaðningu hefur ítrekað verið frestað umfram þann tímaramma sem lög gera ráð fyrir.

Innlent
Fréttamynd

Braut á ungri bróður­dóttur sinni sem bjó á heimilinu

Karlmaður hefur verið dæmdur í tveggja og hálfs árs langa fangelsisvist fyrir nauðgun, kynferðisbrot gegn barni, stórfellt brot í nánu sambandi og vörslu barnaníðsefnis. Brotaþoli var bróðurdóttir hans sem var tveggja til fimm ára gömul þegar brotin áttu sér stað.

Innlent
Fréttamynd

Nauðgari hélt því fram að Snapchat-skilaboð væru ekki frá honum

Hæstiréttur hefur staðfest dóm Landsréttar yfir Ívari Gísla Vignissyni, sem var dæmdur í tveggja ára fangelsi fyrir að nauðga táningsstúlku sem tengist honum fjölskylduböndum. Hann bar fyrir sig að sönnunarmat Landsréttar hefði verið í skötulíki þar sem sakfelling hans hefði fyrst og fremst byggt á því að tiltekin Snapchat-skilaboð hefðu stafað frá honum.

Innlent
Fréttamynd

Hæsti­réttur gefur ÁTVR á baukinn

Hæstiréttur hefur vísað máli heildsölunnar Distu á hendur Áfengis- og tóbaksverslun ríkisins frá Hæstarétti og því stendur dómur Landsréttar í málinu óhaggaður. ÁTVR greiddi málskostnað fyrir Landsrétti daginn eftir dómsuppsögu og fyrirgerði sér þannig rétti til áfrýjunar til Hæstaréttar. Hæstiréttur benti á að ÁTVR er ríkisfyrirtæki með löglærða menn í vinnu og naut aðstoðar lögmanna við rekstur málsins og því hefði það staðið ÁTVR næst að sýna fram á hvers vegna málskostnaður var greiddur, en það hefði ekki verið gert.

Viðskipti innlent
Fréttamynd

Refsað fyrir að loka á konu og keyra yfir fætur hennar

Rútubílstjóri hjá ÍS-Travel hefur verið dæmdur í þrjátíu daga skilorðsbundið fangelsi fyrir að hafa keyrt yfir konu með þeim afleiðingum að hún slasaðist alvarlega. Hann var dæmdur til að greiða konunni 1,3 milljónir króna í miskabætur.

Innlent
Fréttamynd

Neitar að hafa nauðgað stúlku milli trjáa

Karlmaður búsettur erlendis hefur verið ákærður fyrir að nauðga fjórtán ára stúlku í júlí árið 2024. Honum er gefið að sök að hafa látið stúlkuna hafa við sig munnmök og haft við hana samræði á milli trjáa við göngustíg á ótilgreindum stað.

Innlent
Fréttamynd

Ungir menn sátu fyrir bjórsala og rændu tugum vodkaflaska

Tveir ungir menn hafa verið dæmdir fyrir rán, með því að hafa farið inn í bifreið manns og neytt hann til að afhenda þeim áfengi sem var í skotti bifreiðarinnar. Nokkuð ljóst er að um svokallaðan bjórsala var að ræða þar sem ungu mennirnir höfðu af honum sjö bjórkassa og 69 áfengisflöskur. Annar maðurinn hlaut þungan dóm en hann framdi einnig tvær meiri háttar líkamsárásir, aðra í félagi við bróður sinn, Gabríel Douane Boama.

Innlent
Fréttamynd

Deila um veg­slóða fyrir Hæsta­rétt

Eigendur sumarbústaðalóða á jörðunum Iðu I og II við Stóru-Laxá í Bláskógabyggð hafa fengið leyfi Hæstaréttar til að kæra úrskurð Landsréttar í deilu um vegslóða til réttarins. Málið er einn angi mikilla deilna landeigenda við leigutaka veiðiréttar í Stóru-Laxá.

Innlent
Fréttamynd

„Þetta er sorg­legur dagur fyrir lýð­ræðið“

Verjandi tveggja kvenna sem voru í dag sakfelldar fyrir að brjótast um borð í hvalveiðiskip segir rétt til mótmæla hafa að engu verið hafður með dóminum. Önnur konan segir þá sem stunda borgaralega óhlýðni sjaldnast dæmda rétt af dómsvaldinu á hverjum tíma en þeir fái uppreist æru í þegar litið er í baksýnisspegil sögunnar.

Innlent
Fréttamynd

Lögga á­kærð fyrir leit án heimildar

Lögreglumaður hefur verið ákærður fyrir brot í opinberu starfi fyrir að hafa í tvígang sumarið 2025 farið inn í íbúð án samþykkis eigenda og úrskurðar dómara. Þannig hafi hann ekki gætt lögmætra aðferða í starfi sínu.

Innlent
Fréttamynd

Vildi fá hestinn endur­greiddan þar sem hann var með aukatönn

Tvær íslenskar konur stóðu í lagadeilum vegna hrossakaupa en önnur þeirra krafðist endurgreiðslu þar sem hesturinn reyndist vera með aukatönn, sem hún taldi valda honum óþægindum. Endurgreiðsluna fékk hún þó ekki þar sem ekkert benti til þess að aukatönnin hefði áhrif á heilsu hans. Seljandinn var því sýknaður.

Innlent
Fréttamynd

Tveir veiði­menn fengu tvær milljónir frá Hval

Héraðsdómur Vesturlands hefur dæmt Hval hf. til að greiða tveimur fyrrverandi starfsmönnum rúmar 2,1 milljónir króna hvorum í vangoldin laun vegna hvalveiðivertíðarinnar 2023. Fyrirtækið var hins vegar sýknað af kröfum þriggja annarra starfsmanna.

Innlent
Fréttamynd

Sömdu um reglu­legar sam­farir í ár eftir sam­búðar­slit

Kona hefur verið dæmd til þess að greiða fyrrverandi sambýlismanni sínum tæpar þrettán milljónir króna vegna sambúðarslita þeirra. Fyrir dómi sagði hún manninn hafa verið „tekjulausan iðjuleysingja og drykkjumann“, sem hún hefði haldið uppi allan sambúðartímann. Málið sneri að gildi fjárskiptasamnings þeirra á milli en konan hélt því fram að samningurinn væri ógildur þar sem strikað hafði verið yfir ákvæði um skyldu mannsins til þess að reyna að frjóvga egg hennar í eitt ár eftir sambúðarslitin.

Innlent
Fréttamynd

Toll­gæslu­stjóri hafi lofað MS tollflokkuninni um­deildu

Innflytjandi pitsaosts með íblandaðri jurtaolíu telur tollgæslustjóra hafa verið vanhæfan þegar hann gaf út bindandi álit um umdeilda tollflokkun ostsins, þar sem hann hefði áður lofað MS að osturinn yrði settur í flokk sem ber háan toll. Tollflokkunin gengur í berhögg við álit Alþjóðatollastofnunarinnar en starfsmaður Tollsins segir að ávallt sé farið eftir álitum stofnunarinnar, liggi þau á annað borð fyrir.

Viðskipti innlent

Mest lesið